Տիգրան Ավինյանը հերքում է Նիկոլին (video)
Ընտրությունների օրը օրենքով է սահմանվում, կոնկրետ օրը չգիտեմ, բայց եթե ինչ-որ մեկը հաշվարկ է արել, դա սեպտեմբերին է: Այս մասին այսօր՝ մայիսի 11-ին, լրագրողների հետ զրույցում նշեց Երեւանի փոխքաղաքապետ Տիգրան Ավինյանը:
« Փակ նիստերում այդ տեսակ հարցեր չեն կարող որոշվել, դրանք կարգավորվում են օրենքով»,-ասաց նա:
Հարցին, թե ինչպե՞ս է գնահատում իր հաղթելու շանսերը, Ավինյանը պատասխանեց. «Արդյունքները կտեսնենք ընտրությունների հաջորդ օրը: Ես գնահատականներ չեմ ուզում տալ, բայց նաեւ վստահ եմ, որ երեւանցիները գնահատում են այն աշխատանքը, որ կատարվում է Երեւանում»:
Ինչ վերաբերում է իրականացվող սոցհարցումներին, նա նկատեց. «Սոցհարցումները չեն կարող արտացոլել իրական պատկերը, որովհետեւ շատ մեծ հարց է՝ ինչպես է իրականացվել սոցհարցումը։ Շատ կենտրոնանալ սոցհարցումների վրա պետք չի, որովհետեւ եղել են դեպքեր, երբ սոցհարցումները հակառակ պատկեր են ցույց տվել: Նաեւ մեր կողմից արված սոցհարցումները մի փոքր այլ պատկեր են ցույց տալիս, քան ընդդիմադիր լրատվամիջոցների կողմից շրջանառվողները»:
Նշենք, որ այսօր «Ժողովուրդ» թերթը գրել էր, որ որոշվել է Երեւանի ընտրություններն անցկացնել սեպտեմբերի 17-ին:
Հետևեք մեզ Viber-ում
