Իջևանցի հարս Աննան հիմա էլ հասավ մեր երեխաների կրթությանը (video)
Այն, ինչ ուսուցիչները սովորեցնում են դպրոցում, այն ինչ սովորեցնում ենք մեր ընտանիքներում երեխաներին, ուղղակի խոսքեր են եւ չեն բխում իրական կյանքից։ Այս մասին «Հնարավորություններ և խոչընդոտներ. կանանց տեղն ու դերը Հայաստանում» համաժողովում հայտարարել է վարչապետի տիկին Աննա Հակոբյանը։
«Հայ կնոջ դերն առաջնահերթ կարեւոր է մեր պետության համար, որովհետեւ կինն է դաստիրակում երեխային որպես հասարակության անդամի։ Անկեղծորեն ասեմ՝ ես կարծում եմ, որ մենք բավականին թերացել ենք մեր դերում տասնամյակներ, եթե ոչ` հարյուրամյակներ։ Այն, ինչ ուսուցիչները սովորեցնում են դպրոցում, այն, ինչ սովորեցնում ենք մեր ընտանիքներում երեխաներին, ուղղակի խոսքեր են եւ չեն բխում իրական կյանքից։ Պետք է փորձենք փոխել մեր դժվարությունների հիմքերը, մեր մոտեցումները։ Ես հաճախ այցելում են մարզային դպրոցներ, որտեղ երեխաները միջոցառումների ժամանակ երեխաները երգում են, արտասանում, եւ այն ինչ հնչում է այդ հրեշտակների շուրթերից, ոչ մի կապ չունի մեր կյանքի հետ»,- նշեց Հակոբյանը։
Աննա Հակոբյանը կոչ արեց տավուշի կանանց անտեսել դժվարությունները եւ համալրել պարեկայինների շարքերը։
«Ես իջեւանցի հարս եմ եւ լավ գիտակցում եմ՝ ինչ է նշանակում կանանց խորհուրդ տալ ակտիվորեն եւ վստահ գնալ, սովորել, դառնալ պարեկ եւ աշխատել, բայց պետք է անենք դա։ Բայց դա առաջին հերթին պետության, քո համայնքին, քո երեխային ծառայելու եւ կյանքն ավելի օրինապահ դարձնելու հնարավորություն է։ Ես չգիտեմ՝ մենք որտեղից ենք վերցրել անվտանգության ապահովումը կնոջ գործը չէ եւ որ կան աշխատանքներ, որոնք հստակ կանանց համար են»,- ասաց վարչապետի տիկինը։
Հետևեք մեզ Viber-ում
