Մոսկվան օգնում է ՀՀ-ին և Ադրբեջանին պայմանագիր մշակել, բայց խաղաղության համար դեռ խոչընդոտներ կան

Ռուսաստանը նպատակաուղղված ջանքեր է գործադրում երկրների միջև հարաբերությունները կարգավորելու համար՝ հիմնվելով ամենաբարձր մակարդակով եռակողմ համաձայնագրերի վրա, ՏԱՍՍ-ին տված հարցազրույցում ասել է ՌԴ փոխարտգործնախարար Միխայիլ Ալյումինը, գրում է «Սպուտնիկ Արմենիա»-ն։

Ռուսական միջնորդության հիմքում կառուցողական և բովանդակալից երկխոսության ապահովումն է, Մոսկվան նաև գործընկերներին է փոխանցել իր տեսակետները խաղաղ գործընթացի հիմնական սկզբունքների և պարամետրերի վերաբերյալ։

Հայաստանի և Ադրբեջանի միջև հակամարտությունը երկար տարիների պատմություն ունի, իսկ դրա վերջնական կարգավորումը պահանջում է ժամանակ, համբերություն և պայմաններ, որոնք կապահովեն երկկողմ պայմանավորվածությունների կատարման հուսալիությունն ու ամրությունը։

Հենց դրան է ձգտում Ռուսաստանը, որի համար Անդրկովկասում խաղաղությունն ու կայունությունը միշտ առաջին պլանում են։