Հայաստանը պետք է ամեն գնով վերականգնի ԵԱՀԿ Մինսկի խմբի համանախագահների ձևաչափը․ Արծվիկ Մինասյան
«Իրավունք» թերթը գրում է. «Մինչ ՌԴ արտաքին գործերի նախարար Սերգեյ Լավրովը հայտարարում է, որ ԵԱՀԿ Մինսկի խումբը դադարեցրել է իր գործունեությունը` ԱՄՆ-ի եւ Ֆրանսիայի նախաձեռնությամբ, ԱԺ «Հայաստան» խմբակցության քարտուղար Արծվիկ Մինասյանը դեռ համոզմունք է հայտնում, որ ԵԱՀԿ Մինսկի խմբի համանախագահ երկրները չեն կարող ձեռքերը լվանալ ԼՂ խնդրից:
— Հայաստանը պետք է ամեն գնով վերականգնի ԵԱՀԿ Մինսկի խմբի համանախագահների ձևաչափը: Ի վերջո, վերջին 20 տարիների ընթացքում մենք առաջնորդվել ենք նրանց խորհուրդներով եւ ցուցումներով եւ հասել ենք նրան, ինչին հասել ենք: Ուստի` նրանք չեն կարող ուղղակի միկողմ քաշվել ու ասել, որ իրողությունները փոխվել են: Անհրաժեշտ է ուժեղացնել հետեւողական պայքարը, ինչը թույլ կտա միջազգային հանրությանը ներկայացնել Ադրբեջանի իրական, հանցավոր ու ցեղասպան քաղաքականությունը։ Վերջին հաշվով՝ միջազգային հանրությունը պետք է գիտակցի, որ իրավունք չունի հանդուրժել Ալիևի ցեղասպան քաղաքականությունը»:
Առավել մանրամասն՝ թերթի այսօրվա համարում
Հետևեք մեզ Viber-ում
