Ryanair-ից Ի՞նչ նորություն ունեք․ Խաչատրյանը հետաքրքրվեց՝ դեպի Եվրոպա էժան թռիչքների մասին (video)

«Հայաստան» խմբակցության պատգամավոր Արթուր Խաչատրյանը Տարածքային կառավարման և ենթակառուցվածների նախարարի տեղակալ Արմեն Սիմոնյանից փորձեց պարզել հետևյալը․ «Հայաստանի ավիացիայի պատմության մեջ առաջին անգամ Հայաստանում գրանցված օդանավերի մուտքը դեպի Եվրոպական միություն արգելվել է։ Անցյալ տարի այդ արգելքը դարձյալ երկարաձգվել է։ Ի՞նչ է արվում այդ արգելքի պատճառները վերացնելու համար, ե՞րբ վերջապես ՀՀ գրանցված ընկերությունները կկարողանան թռնել դեպի Եվրոպական միություն»։

Ի պատասխան, Սիմոնյանն ասաց, որ օրինակ, հայաստանյան ընկերություններից Flyone Armenian չվերթներ է իրակացնում դեպի եվրոպական երկրներ։ «Երկրորդ, անցած տարի EASA-ի գործընկերները գտնվում էին Հայաստանում և առաջընթաց էին գրանցել նախկինում հայտնաբերված թերությունների վերացման ուղղությամբ։ Մենք ԵՄ հետ կնքել ենք ընդհանուր ավիացիոն գոտու մասին համաձայնագիր, որը դեկտեմբերին վավերացվել է։ Դրանով նախատեսված են բազմաթիվ եվրոպական դիրեկտիվաներով նախատեսված ստանդարտների և նորմերի իմպլեմենտացիա Հայաստանի օրենսդրության մեջ, որը պետք է իրականացվի մոտ 2 տարվա ընթացքում։ Կարծում եմ՝ այդ ստանդարտներին համապատասխանեցումը և զուգահեռ դուրս բերումն ավիացիոն իշխանությունների սև ցուցակից, այդ ժամկետում տեղի կունենա»,- ասաց փոխնախարարը։

Մանրամասները՝ տեսանյութում․