Կա-չկա՝ Հակոբջանյանն է
«Հրապարակ» թերթը գրում է. «Շրջափակված Արցախի քթի տակ՝ Սիսիանում, ՔՊ-ն նախընտրական անցուդարձի մեջ է։ Վերջին ՏԻՄ ընտրություններով ՔՊ-ն չկարողացավ զավթել Սիսիանը, փորձելու է դա անել եկող տարվա մարտին՝ նոր ընտրություններով, որին պատրաստվում է հիմիկվանից։
Տեղի կուսակցական մի թեւը՝ ՔՊ-ական Արսեն Ավագյանի գլխավորությամբ, ընդվզում է Արմեն Հակոբջանյանի առաջադրմանը եւ համարում, որ ՔՊ-ի ֆիասկոն նրանով էր պայմանավորված․ եթե Հակոբջանյանի փոխարեն մեկ ուրիշը գլխավորեր ՔՊ ցուցակը, հաղթանակն անխուսափելի կլիներ։
Սակայն, ըստ ամենայնի, հենց Հակոբջանյանն էլ մարտին կգլխավորի ՔՊ ցուցակը, քանի որ վերջինս Սիսիանում «ասիչ» ՔՊ-ական պատգամավոր Կարեն Համբարձումյանի ազգականն է։ Հաջորդ շաբաթ Փաշինյանը Հակոբջանյանին կնշանակի Սիսիանի համայնքի ղեկավարի ժամանակավոր պաշտոնակատար․ անցած շաբաթ նա հրաժարական ներկայացրեց համայնքի ղեկավարի պաշտոնից:
Հիշեցնենք, որ ՏԻՄ ընտրություններից հետո նա Արման Բաբաջանյանի կուսակցի քվեարկության շնորհիվ դարձել էր համայնքի ղեկավար, սակայն ավագանիում չունենալով մեծամասնություն` չէր կարողացել երդվել եւ անցնել պաշտոնավարման, այլ ստիպված եղավ հրաժարական տալ, որ նոր ընտրություններ կազմակերպվեն»:
Առավել մանրամասն՝ թերթի այսօրվա համարում
Հետևեք մեզ Viber-ում
