Չե՛նք ընդունում․ ՌԴ ԱԳՆ-ի կտրուկ պատասխանը Նիկոլին (video)
Ռուս խաղաղապահները կատարում են իրենց առաքելությունը՝ վերահսկելու Լաչինի միջանցքը, ճեպազրույցում հայտարարեց ՌԴ ԱԳՆ պաշտոնական ներկայացուցիչ Մարիա Զախարովան։
«Ռուս խաղաղապահները կատարում են իրենց առաքելությունը»,- ասաց նա։
«Ով չգիտի, ուզում եմ հիշեցնել, որ, մինչ այդ, մի քանի սրացումներ են եղել, եղել են խնդիրներ, և կողմերը մեղադրել են միմյանց, և հենց ռուս խաղաղապահներն են արել ամեն ինչ՝ իրավիճակը կայունացնելու համար։ Նրանց դա հաջողվել է։ Ուստի, նման վերաբերմունքը մեր խաղաղապահների նկատմամբ չի ընդունվում»,- հավելեց նա։
Հիշեցնենք՝ այսօր վարչապետ Նիկոլ Փաշինյանը հայտարարել էր, որ եռակողմ հայտարարությամբ ստանձնած պարտավորությունը, այն է՝ վերահսկողության տակ պահել Լաչինի միջանցքը, չի կատարում նաև ՌԴ խաղաղապահ զորախումբը։
«Նման բան տեղի է ունենում Ադրբեջանի ապօրինի գործողությունների հետևանքով, բայց սրանից իրավիճակը չի փոխվում, որովհետև Ռուսաստանի խաղաղապահ զորախմբի ներկայության առանցքային իմաստը հենց դա է՝ թույլ չտալ, որ նման ապօրինություն տեղի ունենա», - ընդգծեց Փաշինյանը։
Հետևեք մեզ Viber-ում
