Ես գիտեմ Ուկրաինայի բոլոր մուտքերն ու ելքերը. Սաակաշվիլի

«Եթե իմ ներկայության կարիքը լինի տեղում՝ ես ներկա կլինեմ։ Խնդիր չկա։ Յանուկովիչի ժամանակներում ես եկել եմ երկիր՝ չնայած արգելքներին»,- Ուկրաինայի Օդեսայի շրջանի նախկին նահանգապետ, Վրաստանի նախկին նախագահ Միխեիլ Սաակաշվիլին «Ուկրաինսկայա պրավդա»-ին տված հարցազրույցում հայտարարել է, որ ունի «շատ հնարավորություններ» Ուկրաինա վերադառնալու համար։ «Չկա ոչ մի խիստ վերահսկողություն՝ «ինպես իրենց է թվում»։Ուկրաինայում ես շատ կապեր ունեմ։ Ես նախկին ուկրաինացի սահմանապահ եմ։ Թող նա այդ մասին չմոռանա։ Ես գիտեմ Ուկրաինայում բոլոր մուտքերն ու ելքերը»,- ասել է նա։ Նախկին նահանգապետը պատմել է, որ այժմ զբաղված է Համատեղ գործողությունների շտաբի ձևավորմամբ, և աշնանը պատրաստվում է երկրի բոլոր մարզերում հանդիպումներ անցկացնել, «մոբիլիզացնել մարդկանց և իշխանություններից պահանջել հիմնարար փոփոխություններ»։ «Ես ասել եմ Պորոշենկոյին, որ Ուկրաինայում պայքարն ավարտին կհասցնեմ։ Ես ինձ ուկրաինացի եմ զգում»,-ասել է նա։