Իրանը կատարում է միջուկային գործարքի պայմանները. ՄԱԿ
Իրանը կատարում է իր պարտավորությունները միջուկային ծրագրի շուրջ գործարքի շրջանակներում, որը 2015 թվականի հունիսին կնքվել է «վեցյակի» հետ: Այդ մասին հայտարարել է ՄԱԿ-ի գլխավոր քարտուղարի՝ քաղաքական հարցերով տեղակալ Ջեֆրի Ֆելթմանը: Նա ներկայացրել է զեկույց՝ նվիրված 2231 բանաձեւի կատարմանը, որը ՄԱԿ-ի Անվտանգության խորհրդի կողմից ընդունվել է 2015 թվականին (Ռուսաստան, Մեծ Բրիտանիա, Գերմանիա, Չինաստան, ԱՄՆ եւ Ֆրանսիա): Ֆելթմանը նշել է, որ Ատոմային էներգիայի միջազգային գործակալությունը համաձայնագրի իրագործմանը նվիրված յոթ զեկույցներից յուրաքանչյուրում արձանագրել է Իսլամական Հանրապետության կողմից իր միջուկային ծրագրի հետ կապված պարտավորությունների կատարումը: ՄԱԿ-ի գլխավոր քարտուղարի տեղակալն իր զեկույցում թվարկել է Թեհրանի մի շարք քայլեր, որոնք մտահոգում են «վեցյակի» արեւմտյան անդամներին` հրթիռային արձակումներին, իրանցի գեներալ Քասեմ Սուլեյմանիի արտասահմանյան ուղեւորությունների վերաբերյալ ԶԼՄ-ների հաղորդագրությունները, հաղորդել է ՏԱՍՍ-ը:
Հետևեք մեզ Viber-ում
