Վրաստանի վարչապետը մեկնաբանել է ադրբեջանցի լրագրողի անհետացումը
Վրաստանի վարչապետ Գեորգի Կվիրիկաշվիլին հորդորել է ձեռնպահ մնալ ադրբեջանցի ընդդիմադիր լրագրող Աֆղան Մուխթարլիի՝ Թբիլիսիից անհետանալու գործի վերաբերյալ վաղաժամ մեկնաբանություններ անելուց: Sputnik-ի հաղորդմամբ՝ նա անընդունելի է համարել ինստիտուտների վարկաբեկումը, որոնք աշխատում եւ հոգ են տանուն պետական անվտանգության մասին: «Բնականաբար, ես կոչ եմ անում իրավապահներին՝ առավելագույնս կարճ ժամկետում ամեն ինչ անել, որ այդ հարցը հետաքննվի, եւ որ մեր երկրում ոչ ոքի մոտ կասկած չառաջանա մարդու իրավունքների պաշտպանության վերաբերմամբ… Դա կտրականապես անընդունելի է եւ, իհարկե, ես բացառում եմ, որ պետական կառույցները ներքաշված լինեն նման ինչոր բանի մեջ»,-եզրափակել է վարչապետը:
Հետևեք մեզ Viber-ում
