Արայիկ Հարությունյանի հեռանալու հետհաշվարկը սկսված է

Երեկ Արցախի խորհրդարանական երկու ուժեր՝ ՀՅԴ-ն ու Վիտալի Բալասանյանի Արդարություն կուսակցությունը հանդես եկան հայտարարությամբ, որով
ազդարարում են Արայիկ Հարությունյանի հեռացման գործընթացի մեկնարկի մասին:
Նրանք նախ արձանագրում են, որ Արցախի Հանրապետության դեմ 2020թ. աշնանը սանձազերծված պատերազմի արդյունքում արձանագրվել է պետական կառավարման համակարգի ճգնաժամ:

<<ՀՀ վարչապետի, ՌԴ նախագահի և Ադրբեջանի Հանրապետության նախագահի ս.թ նոյեմբերի 9-ի հայտարարությունից հետո Արցախի Հանրապետության Ազգային ժողովի 5 խմբակցություններից 4-ը պահանջել են ԱՀ նախագահ Ա. Հարությունյանի հրաժարականը: Չնայած իր պաշտոնից հրաժարվելու պատրաստակամությանը՝ նախագահ Ա. Հարությունյանը նախաձեռնել է քաղաքական խորհրդատվություններ, ստեղծված իրավիճակից ելք գտնելու և քաղաքական լուծումներ տալու նպատակով: Ելնելով առաջիկայում նոր խորհրդարանական և նախագահական ընտրությունների անցկացման խնդրահարույց լինելու հանգամանքից՝ խորհրդարանական ուժերն ընդունել են ազգային միասնության կառավարություն ստեղծելու Ա. Հարությունյանի առաջարկը՝ նախագահի փաստացի լիազորությունները սահմանափակելու և ողջամիտ ժամկետում արտահերթ ընտրություններ կազմակերպելու նախապայմանով>>:
Այնուհետեւ փաստում են.<<Հետագա քննարկումների ընթացքում գործող նախագահը, խախտելով ձեռք բերված պայմանավորվածությունները, սկսել է միանձնյա ձևավորել նոր կառավարություն՝ դրանով իսկ խաթարելով երկիրը ճգնաժամից համախորհուրդ դուրս բերելու բացառիկ հնարավորությունը: Ստեղծված իրավիճակում անիմաստ է դարձել շարունակել կառավարության ձևավորման գործընթացին մեր մասնակցությունը, քանի որ այն իր մեջ չի պարունակում «ազգային համաձայնության կառավարության» ձևավորման տեսլականը:
Կառավարության ձևավորման, դրա հետագա գործունեության և երկրում տեղի ունեցող գործընթացների ամբողջական պատասխանատվությունը նման պայմաններում կրում է անձամբ ԱՀ նախագահ Ա. Հարությունյանը>> նշվում է հայտարարության մեջ:

Հիշեցնենք, որ մինչ Արայիկ Հարությունյանը քաղաքական դաշտին կոչ էր անում ազգային համաձայնության կառավարություն ձեւավորել, հրապարակային ուղերձում խոստանում էր, որ Արցախում կադրային եւ անվտանգային որոշումները պատրաստ է կայացնել խորհրդարանի եւ ԱԱԽ-ի միջեւ, նախարարի պաշտոններում նշանակվեցին հայտն սորոսականներ Մանե Թանդիլյանն ու Հայկ Խանումյանը: Իսկ գոնե մենք գիտենք, թե ինչպիսին է Վիտալի Բալասանյանի՝ ԱԱԽ քարտուղարի վերաբերմունքը սորոսականների եւ ռուսատյացների վերաբերյալ, մենք բազմիցս լսել ենք նրա հրապարակային հարցազրույցները: Սա նշանակում է, որ Արայիկ Հարությունյանը մի բան խոստանում է, մեկ ուրիշ բան է անում՝ հույս ունենալով Նիկոլ Փաշինյանի պես պլստալ պատասխանատվությունից: Մենք մի անգամ գրել ենք, որ այս առումով Արցախում իրավիճակը էականորեն տարբերվում է, Արայիկ Հարությունյանին կարող են անգամ ոչ ֆիզիկական անվտանգության երաշխիքներ տալ, ոչ էլ հումանիտար միջանց եւ սրանով էր բացատրվում քաղաքական դաշտին համագործակցության իր կոչը:Բայց ինչպես տեսնում ենք Հարությունյանը՝ այդ թուրքից պեղվածը էժանագին մանիպուլացիաներով փորձում է ժամանակ ձգել, հնազանդեցնել քաղաքական դաշտը:

Անի Սահակյան