Թող զորքը հանեն սահմանից, բերեն դպրոցներով տարածեն, որ հետևեն երեխաների դիմակները կրելուն. ուսուցիչ (video)

Երևանի ավագանու նախկին անդամ Սոնա Աղեկյանը, Հայելի ակումբում հրավիրված ասուլիսում հայտարարեց, որ ՀՀ-ում բոլոր աշակերտների ծնողները մտահոգ են՝ անկախ նրանից իրենք համարձակություն ունեն իրենց երեխաների խնդիրներից խոսելու, թե ոչ: «Որոշակի պատճառաբանություններով նրանք կարողանում են խուսափել խոսելուց, բայց ամեն դեպքում պետք է բոլորս արձանագրենք, որ ապազգային քաղաքականությունը միտված է ոչ միայն վտանգելու մեր երեխաների կրթությունը. այլև առողջությունը: ԿԳՄՍ նախարարի դերակատարը ինչպես է պատկերացնում, մեր երեխաները 45, թե 20 րոպե, ինչպես են նստելու դնչկալներով»,- այս մասին այսօրվա ասուլիսին ասաց 

 «Չի կարելի հրաժարվել երեխային դպրոց տանելուց. սա ճիշտ ճանապարհ չէ: Այն ծնողները, որոնք մտածում են երեխաներին դպրոց չտանելու մասին, ավելի լավ է իրենք դիմեն նախարարին, բողոքեն նախարարի դեմ, մասնակցեն ակցիաների, բայց երեխային դպրոց ուղարկեն: Սա ճանապարհ չէ, այդպես մենք ջուր ենք լցնում հենց իշխանությունների ջրաղացին, որոնց նպատակը հենց այն է, որ երեխաները դպրոց չգնան, իրենք էլ անցնեն հեռավար ուսուցման: Մեր իշխանությունները, չեմ ասում նորերը միայն, նախկինում էլ շատ հաճախ օրենքներ էին ընդունում, կարգեր էին սահմանվում, որոնք այնքան հակաբնական ու անտրամաբանական էին, որ չէին կիրառվում և մնում էին թղթերի վրա»,- նշեց ասուլիսին ներկա ուսուցիչներից մեկը և հավելեց.  «Դեռևս որևէ մեկը չի խոսել ներառական կրթություն ունեցող երեխաների մասին: Ներառական կրթություն ստացող երեխաները, որոնք առողջական խնդիրներ ունեն հենց նյարդային համակարգի հետ, նրանց առավել ևս չես կարող պարտադրել դիմակ կրել: Իսկ, եթե դասարանում մեկը դիմակը հանեց, մյուսները նայելու են, թե ինչու պիտի նա հանի՝ իրենք դնեն: Ես վստահ եմ, որ դպրոցում մենք շատ լավ դաս և շատ լավ դասամիջոց ենք անելու: Եթե իշխանությունները այդքան շատ են այդ հարցի հետևից ընկած, ուրեմն թող զորքը հանեն սահմանից, բերեն դպրոցներով տարածեն, որ հետևեն երեխաների դիմակները կրելուն»: