Սերժ Սարգսյանի մտերիմին պաշտոն են տվել, ինչի՞ դիմաց եւ ո՞ւմ դեմ

Մարտի 1-ի գործով առանցքային դեմքերից մեկը՝ Նորայր Յոլչյանը, Պաշտպանության նախարարությունում կրկին պաշտոն է ստացել: 2018 թվականին տեղի ունեցած թավշյա հեղափոխությունից հետո՝ օգոստոսին Նորայր Յոլչյանն ազատվել էր Զինված ուժերի թիկունքի պետ-վարչության պետի պաշտոնից: Նրա ազտումից հետո մամուլում հրապարակումներ եղան, որ պաշտոնանկությունը կապված է չարաշահումների հետ: Մարտի 1-ի գործով առանցքային դեմքերից մեկը, որի անունը կապվում է ԱԺ մի խումբ պատգամավորների թիկնազորի անդամներին զինվորական համազգեստով ապահովելու գործընթացի հետ, թե ինչպես է նորից հայտնվել ՊՆ-ում, կարելի է գուշակել։ Բայց Մարտի 1-ի արյունալի իրադարձություններին առանցքային մասնակցությունը Յոլչյանի կենսագրությունում միակ «խարանը» չէ։ Մամուլը բազմիսց է անդրադարձել բարձրաստիճան այս զինվորականին։ Օրինակ որ նա էր վերահսկում ՊՆ մատակարարների ստվերային հոսքերը եւ տնտեսած գումարներով Հյուսիսային պողոտայում 750 մ/ք բնակարան է գնել 3.5 միլիոն դոլարով, հետո, երբ պարզել է, որ վերելակը իր հարկ նախագծով չի բարձրանում,կառուցապատողին 60.000 դոլար է վճարել, որպեսզի վերելակը ներքևից բարձրանա մինչև նրա բնակարան:
Ճիշտ է սա, թե կեղծիք` դժվար է ասել, թեև Հայաստանում նման պատմությունները բոլորովին էլ անհնարինության ժանրից չեն՝ անկախ անգամ այդ պաշտոնյաների կամ գերատեսչության խոսնակների պնինդ-պինդ հերքումների փաստից։ Նա եղել է Սերժ Սարգսյանի մտերիմներից։ Հիմա ՊՆ-ում իր հայտնությունը բացատրում է, թե եղել է թափուր պաշտոն, ինքը մասնակցել է մրցույցին ու անցել, սակայն գաղտնիք չէ, թե թափուր փաշտոնները, առավել եւս նյութատեխնիկական վարչության պետի պաշտոնն ինչպես է համալրվում եւ պարզ է, որ նրան նշանակել է ռազմական եւ քաղաքական ղեկավարությունը։ Հանուն ինչի՞, կամ ինչի՞ դիմաց։ Կարելի է մի փոքր հետ գնալ ու հիշել Արշակ Կարապետյանին, ով ՊՆ հետախուզական վարչության պետի պաշտոնից ազատվել էր 2016 թվականի ապրիլյան պատերազմից հետո, քանի որ հենց այդ օղակում էին արձանագրվել թերացումները, բայց թավշյա հեղափոխությունից հետո Նիկոլ Փաշինյանը նշանակեց իր խորհրդական, հետո պարզ դարձավ, որ Արշակ Կարապետյանն այն միակ նախկին պաշտոնյան է, ով Մարտի 1-ի գործով ցուցմունք է տվել ՀՀ երկրորդ նախագահ Ռոբերտ Քոչարյանի դեմ։ Սա է եղել նրա պաշտոնի նշանակվելու գինը։ Իսկ միգուցե Յոլչյանն էլ է նման ծառայուցուն մատուցել իշխանություններին, որն անհատույց չի եղել ու այսօր նա կրկին ՊՆ-ում է, առավել յուղոտ պաշտոնում։

Ակնհայտ է, որ Մրտի 1-ի քրեական գործը այսպես կոչված «ջուր» է , դա հասկացել են նաեւ զոհերի եւ տուժողների իրավահաջորդները , ովքեր երկու օր առաջ հայտարարեցին, որ հրաժարվում են այլեւս մասնակցել դատական գործընթացին։ Հիմա իշխանություններին թերեւս այլ ճանապարհ չի մնում, քան նախկիններին «կաշառելով» ցուցմունքներ ստանալ մեղադրյալների դեմ ու գործը տանեն այլ ուղղությամբ։

Անի Սահակյան