«Էս ո՞վ ա, արա՛. մինչև չվերջացնեմ, չեմ գա». ոստիկանները բերման ենթարկեցին ցուցարարին (video)
Կառավարության դիմաց միայնակ ակցիա է իրականացնում մի քաղաքացի` նշելով, որ ամեն օր գալու է այդտեղ բողոքի:
«Մենակ Արմավիրում 40 հազար հեկտար հող չի մշակվում: Դուք գիտեք՝ Ռուսաստանում հացահատիկը թանկանում ա, մենք ինչքա՞ն պաշար ունենք, հիմա դնենք մեր սաղ պետական գաղտնիքները բացահայտե՞նք: Փոխանակ հացահատիկից խոսենք, ասֆալտով ենք ուրախանում: Ասֆալտը հետաքրքիր բիզնես ա, բայց դա մարդուն չի կարա կերակրի: Աշխարհում հիմա սով ա գնում, ինչի՞ մենք 365 հազար տոննա հացահատիկի պաշար չունենք»,- լրագրողների հետ զրույցում ասաց ցուցարարը:
Նրան մոտեցան ոստիկանության ծառայողները՝ խնդրելով, որ մի քանի րոպե ժամանակ տրամադրել՝ առանձին խոսելու համար, սակայն քաղաքացին մերժեց, ինչից հետո ընդհարում տեղի ունեցավ նրանց միջև:
«Էս ո՞վ ա, արա՛, մինչև չվերջացնեմ, չեմ գա»,- ոստիկաններին դիմելով՝ ասաց ցուցարարը, որից հետո նրան ոստիկանները բերման ենթարկեցին:
Հետևեք մեզ Viber-ում
