Փաշինյանի հետ ընկերություն արա, բայց փայտը ձեռքիցդ մի գցի
«Բաց հասարակության հիմնադրամներ- Հայաստանի» կամ խոսակցական լեզվով ասած՝ Սորոսի հիմնադրամի հայաստանյան գրասենյակի գործադիր տնօրեն Լարիսա Մինասյանը հարցազրույց է տվել սեփական լրատվամիջոցներից մեկին եւ ուշագրավ գնահատականներ հնչեցրել : Հեղափոխության, այսօր նաեւ իշխանության մեծ փայատիրոջ խոսքից , պահվածքից, ինքնավստահությունից կարելի էր փաստել, որ Սորոսը իր հայաստանյան ֆիլյալով իշխանության ոչ թե հիսուն, այլ ավելի մեծ տոկոսով բաժնետերն է եւ որ անկախ վերջին ժամանակների խոսակցությունների չի պատրաստվում զիջել իր ակցիաները, ատամներով պահելու է իր դիրքերը: Ինչպես հայտնի է՝ վերջին ժամանակներում իշխանության քաղպայմանագրային եւ սորոսական թեւերում խուլ հակամարտություն է ընթանում, պատճառը կարծես թե Նիկոլ Փաշինյանի ռուսական ռեւարանսներն են եւ հատկապես սորոսականների բնորոշմամբ բռնապետ Լուկաշենկոյին շնորհավորելը: Խոսակցություններ սպրդվեցին, թե Փաշինյանը որոշել է դուրս գալ սորոսական ազդեցության դաշտից՝ նախընտրելով իրական ռազմավարական գործընկրություն Ռուսատանի հետ, անգամ իշխանական դաշտից Ալեն Սիմոնյանի շուրթերով վիրավորանքներ հասցվեցին Սորոսին, թե նա ում շունն է, որ խառնվի հայաստանյան իշխանության գործերին, բայց դատելով Մինասյանի գնահատականնեից, սորոսական թեւն ամեն ինչ անելու է անձամբ Ալեն Սիմոնյանին պատժելու համար: Մինասյանն ասում է, թե ինքը չի կարծում, որ ինչ որ կարծիքներ դրանք իշխանության տեսակետներն են: Լարիսա Մինասյանը օգոստոսի 14-ին նամակ էր հղել ԱԺ նախագահ Արարատ Միրզոյանին` առաջարկելով Ալեն Սիմոնյանի արտահայտած մտքերը քննարկման դնել Էթիկայի հանձնաժողովում:
Մինասյանը, ըստ ամենայնի դիվանագիտական շեշտադրում արեց. «Նախ չեմ ուզենա և երբևիցե չեմ կարծում, որ ինչ-որ կարծիքներ դրանք իշխանության դիրքորոշումն են»,- ասաց նա՝ հասկացնելով, որ դա միայն Ալեն Սիմոնյանի կարծիքն է, այս դեպքում հարց է առաջանում՝ ինչի՞ համար է էթիկայի հանձնաժողով հրավիրելու պահանջը, եթե նա չի դիտարկվում իշխանության պաշտոնյա, ԱԺ փոխխոսնակ: Սույն հանձնաժողովը միայն պաշտոնյաների վարքն է քննում, ոչ թե շարքային քաղաքացիների: Սրանից կարող ենք հասկանալ սորոսական տրամադրություները, որը բնորոշվում է հայտնի խոսքով՝.«Շան հետ ընկերություն ենք անում, բայց ձեռքներիցս փայտը չենք գցում»:
Հատկապես՝ Մինասյանը չթաքցեց , որ իր համար մտահոգիչ են նման դրսևորումները.«Մտահոգիչ է, ոչ միայն և ոչ այնքան այս պարագայում՝ նաև թե անձնավորված, թիրախավորված կամ հիմնադրամի շուրջ խոսակցությունները, բայց այն, որ այդ խոսակցությունները, այդ լոզունգային մոտեցումն իմաստազրկում է թե՛ գործը, թե՛ գործունեությունը, թե՛ նպատակները, և դա իսկապես վտանգավոր է»:
Այդուհանդերձ հարցին, թե՝ ինչպե՞ս եք գնահատում՝ որքանո՞վ են կյանքի կոչվում նոր իշխանությունների հեղափոխական գաղափարները, Լարիսա Մինասյանը պատասխանեց.
«Հեղափոխությունը ոլորտի հեղափոխություն չի. հեղափոխությունն ընդհանրապես ավելի մեծ համակարգային պահանջ է, և եթե այդ տեսակետից դիտենք, ապա առաջին և շատ մեծ քայլը, տեկտոնիկ շարժը՝ արդար և ազատ ընտրությունների փաստով, արդեն կատարված է, դա մեծ և լուրջ փոփոխություն է»:
Իր գնահատականներում նա կարևորեց հակակոռուպցիոն մեխանիզմների զարգացումը, ապա նշեց, որ կա ոչ այնքան կոնսոլիդացված մոտեցում ժողովրդավարական ինստիտուտները վերականգնելու հարցում:
Ի դեպ, այդ հարցում նա շեշտեց անցումային մեթոդների անհրաժեշտության մասին:
Զրույցի ողջ տրամադրություններն ամփոփելով կարող ենք փաստել, որ եթե նույնիսկ կա հակամարտություն իշխանության երկու փայատերերի միջեւ, ապա դա չհրապարակայնացվեց սորոսական թեւի պարագլխի կողմից, եթե չասենք ճիշտ հակառակը, Մինասյանը բազում հարցերում դրվատեց իշխանություններին: Իհարկե, ամբողջությամբ դժվար է վերծանել տիկնոջ ասելիքը, քանզի նրա կոտրված կիսահայերեն խոսքը, եւ չգիտես ամերիկյան, անգլիական, թե թուրքական մտածողությունը դա թույլ չէր տալիս, բայց ամենայն հավանականությամբ՝ թուրքական, քանզի այն ապազգային ծրագրերը, որ այս թեւի միջոցով փորձ է արվում իրականություն դարձնել, միայն մեր հակառակորդ Թուրքիայում կարող են մտածել…
Անի Սահակյան
Հետևեք մեզ Viber-ում
