Հարկային բարենպաստ պայմաններ են ստեղծվում փոքր և միջին բիզնեսի համար
Հայաստանի Հանրապետություն օրաթերթը գրում է. «Զարգացած երկրների տնտեսություններում անհամեմատ ավելի մեծ է փոքր և միջին ձեռնարկատիրության դերակատարումը: Վերջիններս նաև զգալի կշիռ ունեն տվյալ երկրների համախառն ներքին արդյունքների ձևավորման գործընթացում: Նման արդյունքներ ապահովելու համար այդ պետությունները տասնամյակների ընթացքում վարել են այնպիսի քաղաքականություն, որն ուղղված է բիզնեսի գործունեության համար բարենպաստ պայմաններ ստեղծելուն, ինչպես նաև հակամենաշնորհային կոշտ քաղաքականության ձևավորմանը:
Փոքր և միջին ձեռնարկատիրությանը օգնելու համար վերջին տարիներին գործադիրն իրականացնում է էական օրենսդրական բարեփոխումներ: Մասնավորապես՝ 2019 թվականին կարևոր քայլեր են արվել բիզնեսի հարկման արտոնյալ համակարգի ձևավորման ուղղությամբ, զգալիորեն ընդլայնվել են դրա կիրառության շրջանակները: Օրենսդրական կարգավորումներ են տրվել նաև գործունեության առանձին ոլորտներում հարկային համակարգին առնչվող խնդիրներին»,-գրում է թերթը:
Նյութն ամբողջությամբ կարդացեք թերթի այսօրվա համարում
Հետևեք մեզ Viber-ում
