Նիկոլ Փաշինյանի՝ թքածը լիզելու նուրբ արվեստը

Սահմանադրական դատարանի հարցն, իսկապես, կանգնել է Նիկոլ Փաշինյանի կոկորդին ու կարծես թե ոչ մի կերպ այն կուլ տալ հնարավոր չի դառնում: Մեկուկես տարվա դեգերումներից հետո՝ սպառնալիքներ ՍԴ նախագահի, նրա ծանոթ-բարեկամների, մերձավորների ու ընտանիքի դեմ, քրեական գործերի հարուցում, նույնիսկ կաշառք առաջարկվեց կենսաթոշակի տեսքով, տապալված հանրաքվեից հետո Սահմանադրության մի քանի արարով բռնաբարությունից հետո թվում էր, թե իշխանությունը մոտ է րր երազանքների ՍԴ ունենալու հարցում, բայց, ավաղ, այստեղ էլ Փաշինյանի տգետները քաշեցին նրան:

Պարզվեց, որ Սահմանադրություն փոխելն ամեն մեկի խելքի բանը չէ, եւ առավել եւս, որ միայն Սահմանադրությամբ հնարավոր չէ լուծել ՍԴ հարցը: Չնայած իշխանություններն իրենց սիրած ոճով՝ հակաիրավական ճանապարհով շարունակում են գնալ առաջ, Արարատ Միրզոյանը ցուցադրաբար հանդիպում է ունենում ՍԴ նախագահի պաշտոնակատարի հետ՝ ընդգծելով, որ Հրայր Թովմասյանին այլեւս չեն ճանաչում այդ պաշտոնում, իսկ յուրայինների միջոցով էլ սպառնում են Ալվինա Գյուլումյանին /Ֆելիքս Թոխյանն արձակուրդում է/, բայց օրենքն այս մարդկանց կողմն է եւ ՍԴ գործող օրենքով, մասնավորապես 88-րդ հոդվածով, այս դատավորները շարունակում են իրենց լիազորությունները, քանի դեռ այդ օրենքը չի համապատասխանեցվել նոր փոփոխություններին, իսկ համապատասխանեցնողը ՍԴ դատավորներն են, ապա` Հրայր Թովմասյանի, Գյուլումյանի եւ Թոխյանի լիազորությունները չեն կարող դադարեցվել:

«Սահմանադրության 167-րդ հոդվածի համաձայն՝ Սահմանադրական դատարանի լիազորությունները սահմանվում են Սահմանադրությամբ, իսկ կազմավորման եւ գործունեության կարգը` Սահմանադրությամբ եւ Սահմանադրական դատարանի մասին օրենքով: Համաձայն «Սահմանադրական դատարանի մասին» սահմանադրական օրենքի 88-րդ հոդվածի 5-րդ մասի՝ մինչև 2015 թվականի փոփոխություններով Սահմանադրության 7-րդ գլխի ուժի մեջ մտնելը նշանակված Սահմանադրական դատարանի նախագահը և անդամները 12 տարվա ժամկետը լրանալուց հետո շարունակում են պաշտոնավարել մինչև իրենց լիազորությունների՝ 2005 թվականի փոփոխություններով Սահմանադրությամբ սահմանված ժամկետի ավարտը:
Քանի դեռ «Սահմանադրական դատարանի մասին» սահմանադրական օրենքի 88-րդ հոդվածի 5-րդ մասի գործողությունը չի դադարեցվել, այն ենթակա է պարտադիր կատարման բոլոր պետական մարմինների և պաշտոնատար անձանց կողմից։
Մի քանի օր է հեղինակավոր իրավաբանները փորձոմ են ապացուցել, որ ՍԴ դատավորների լիազորությունները, ըստ այդմ, չի կարող դադարեցվել, 
Արդարադատության նախարար Ռուստամ Բադասյանը հայտարարեց, թե սահմանադրական նորմերը գործում են անմիջականորեն, հետևաբար, թեկուզ օրենքը փոխված չէ, այդ սահմանադրական նորմերը միանգամից գործում են, բայց այդ օրենքը նրանք շատ արագ փոխելու են:

ՀՀ նախկին գլխավոր դատախազ Գեւորգ Կոստանյանը նույնպես հիշեցնում է, որ Սահմանադրությունն ունի բարձրագույն իրավական ուժ, բայց դրա նորմերը չեն գործում անմիջականորեն, որովհետև 2005 թվականի Սահմանադրությամբ՝ հստակ սահմանված էր, որ Սահմանադրության նորմերը գործում են անմիջականորեն, 2015 թվականի Սահմանադրությամբ՝ այդ կետը դուրս է եկել, այսինքն՝ այդ կետն այլևս չի գործում, այլ բացառապես սահմանադրական նորմերի անմիջականորեն գործելու փաստը վերաբերվում է միայն և բացառապես մարդու և քաղաքացու հիմնական իրավունքներին ու ազատություններին, այսինքն սահմանադրական նորմերը անմիջականորեն գործում են միայն Սահմանադրության 2-րդ գլխի նկատմամբ:
<<Սրանով է պայմանավորված այն հանգամանքը, որ Սահմանադրության 167-րդ հոդվածի 3-րդ մասը սահմանում է, որ ՍԴ-ի կազմավորման և գործունեությանը կարգը սահմանվում են Սահմանադրությամբ և ՍԴ-ի մասին օրենքով: Չի գրվում, որ ՍԴ-ի կազմավորման և գործունեության կարգը սահմանվում է միայն Սահմանադրությամբ, որն էլ ամենակարևոր հանգամանքն է>>:

Ուշագրավ է, որ լրատվամիջոցներում տեղեկություններ կան, որ Իմ Քայլն այսօր արտահերթ նիստ կհրավիրի եւ ընդուված օրենքներում մի շարք փոփոխություններ կանի: Սա նշանակում է, որ իշխանությունում էլ են ընդունում, որ իրենց բոլոր քայլերն ապօրինի են, ու նշված դատավորներն ազատված չեն եւ հիմա թքածը հետ լիզելու, օրենքները խմբագրելու ժամանակն է, միայն թե իսկական կինոն նոր է սկսվելու, ՍԴ դատավորները միանշանակ չեն ստորագրի իրենց դատավճռի տակ:

Անի Սահակյան