Քանի պատգամավոր է վարակվել կորոնավիրուսով եւ որտե՞ղ են նրանք բուժվում

«Հրապարակ» թերթը գրում է. «Փորձեցինք ճշտել` որտե՞ղ են բուժվում կորոնայով վարակված իմքայլական պատգամավորները, եւ կորոնա բուժող հիվանդանոցներում նրանց չգտանք: Ոլորտի ներկայացուցիչն ասաց․ «Ես նույնպես չեմ հանդիպել նրանց, երեւի եկել KT են արել ու տանն ինքնամեկուսացվել են՝ ջահել են, հեշտ կհաղթահարեն»:

Որտե՞ղ են բուժվում ձեր գործընկերները՝ հարցրինք ԱԺ փոխխոսնակ Ալեն Սիմոնյանին։ «Եթե անկեղծ` տեղյակ չեմ, կարծում եմ` տանը»: Ի դեպ, Սիմոնյանը նույնպես հազում էր, բայց ասաց` մի ուրախացեք, ֆարինգիտ է: Քանի՞ հիվանդ ունեք ընդհանուր թվով՝ հարցրինք ԱԺ աշխատակազմի ղեկավար Տիգրան Գալստյանին։ «Չեմ կարող ամբողջական թիվն ասել. «Իմ քայլից»` մի 4 հոգի, մի քանի հոգի էլ՝ ԲՀԿ-ից։ Կարող եմ պատասխանել այն մարդկանց մասով, որոնց թեստի հանձնումն ինքս եմ կազմակերպել՝ մոտ 10-15 հոգու, դրական պատասխան եկավ միայն Քրիստինե Պողոսյանի մասով»:

Հիմա ո՞նց են ձեր հիվանդները։ «Քրիստիկի հետ եմ խոսել, դե, ընթացիկ բուժվում է տանը, կոնտակտավորներին խնդրել ենք չգալ աշխատանքի, գնել ենք սարք, ամեն օր վարակազերծում ենք կատարում ԱԺ տարածքում, օրը մի քանի անգամ պարտադիր չափում ենք բոլորի ջերմությունը»:

Մանրամասները՝ թերթի այսօրվա համարում։