United Airlines-ը ուղեւորին Փարիզի փոխարեն Սան Ֆրանցիսկո է ուղարկել
Ամերիկյան United Airlines ավիաընկերությունն իր ուղևորուհիներից մեկին Փարիզի փոխարեն սխալմամբ ուղարկել է Սան Ֆրանցիսկո: Արդյունքում՝ Լյուսի Բախետուկիլե անունով կինը սխալ ուղղությամբ թռել է մոտ 5 հազար կիլոմետր տարածություն: Այս մասին հայտնում է The Daily Mail-ը: Կինը պետք է ԱՄՆ Նյուարք քաղաքից (Նյու Ջերսի նահանգ) Փարիզ մեկներ, սակայն թռիչքից առաջ ելքի համարը փոխվել է, եւ Լյուսին հայտնվել է Սան Ֆրանցիսկոյի չվերթում։ Օդանավակայանում փոփոխությունների մասին հայտարարություն արվել է անգելերենով, որը Լյուսին չգիտի։Արդեն ինքնաթիռի սրահում Լյուսին հայտնաբերել է, որ իր նստատեղը զբաղված է: Նա նստեցման կտրոնը ներկայացրել է բորտուղեկցորդուհուն, որն ուշադրություն չի դարձրել չվերթի վերաբերյալ տվյալներին և առաջարկել այլ տեղ զբաղեցնել: