ՌԴ-ի նկատմամբ ԵՄ-ի սահմանած պատժամիջոցներին միացել են չորս երկիր
«Deutsche Welle»-ի փոխանցմամբ, ԵՄ-ի արտաքին հարաբերությունների գծով հանձնակատար Ֆեդերիկա Մոգերինին հայտարարել է,որ Եվրոպական Միությանն անդամակցելու թեկնածուերկրներ Ալբանիան ու Մոնտենեգրոն, ինչպես նաև Նորվեգիան ու Ուկրաինան միացել են ԵՄ-ի խորհրդի որոշմանը՝ երկարաձգելով Ռուսաստանի ղեկավարության դեմ սահմանված պատժամիջոցները: ԵՄ-ն հաշվի է առնում նշված երկրների որոշումն ու ողջունում է այն,ասել է նա: Հիշեցնենք,որ մարտի 13-ին Եվրամիության խորհուրդը որոշում է կայացրել 6 ամսով երկարաձգել Ռուսաստանի նախագահ Վլադիմիր Պուտինի վստահված անձանց ու ուկրաինական ռուսամետ անջատողականների նկատմամբ հաստատված պատժամիջոցները: Ընդհանուր առմամբ ցանկում ընդգրկվել են 150 ֆիզիկական և 37 իրավաբանական անձինք:
Հետևեք մեզ Viber-ում
