Պետք չէ կյանքը զոհաբերել, պետք է ընդամենը կեղծ օրակարգեր չբերել. Զոհրաբյանը` Հովակիմյանին խորհուրդ տվեց թիթեռ չնկարել (video)
ԱԺ-ում «Իմ քայլը» խմբակցության պատգամվոր Վահագն Հովակիմյանը ներկայացրեց իր կողմից հեղինակած «Հանրաքվեի մասին» օրենքում փոփոխություններ կատարելու մասին նախագիծը, որից հետո
«Բարգավաճ Հայաստան» խմբակցության պատգամավոր Նաիրա Զոհրաբյանը հայտարարեց, որ պարոն Հովակիմյանն արդենք երկու անգամ պատրաստակամություն հայտնեց կյանքը զոհաբերելու, պետք չէ կյանքը զոհաբերել, պետք է ընդամենը կեղծ օրակարգեր չբերել:
«Դուք ուզում եք չեղարկել հանարաքվեն, տալ լիազորություն խորհրդարանին՝ չեղարկելու հանրաքվեն, բնականաբար, որից հետո անմիջապես օգտվելու եք ձեր իսկ գործիքից՝ չեղարկելու եք հանրաքվեն և փորձելու եք լուծել ՍԴ հարցը: Մենք ասում ենք՝ սա կեղծ օրակարգ է: Երեկ վարչապետը հայտարարեց՝ երկրում շատ ծանր իրավիճակ է, այսօր մենք էլի ունենք շատ բարձր թվեր կորոնավիրուսի վարակման, այսօր ունենք 372 դեպք, սոցիալական լարվածություն, սոցիալական բազմաթիվ շերտեր այսօր ունեն լրջագույն խնդիրներ, որոնց լուծում չի տրվում: Հիմա դուք փորձում եք նորից թիթեռ նկարել»,- շեշտեց պատգամավորը։
Հետևեք մեզ Viber-ում
