«Թուրքիայի ԵՄ երազանքն ավարտված է». Յ.Հան
«Նախագահ Ռեջեփ Թայիփ Էրդողանի ղեկավարությամբ Թուրքիան այս պահի դրությամբ թիկունք է դարձրել Եվրամիության անդամակցությանը: Բոլորի համար պարզ է, որ առնվազն ներկայի համար Թուրքիան հեռանում է եվրոպական հեռանկարից: Մեր հարաբերություններում շեշտը պետք է դրվի այլ բանի վրա: Պետք է տեսնենք, թե ինչ կարող է արվել ապագայում` հասկանալու, թե արդյոք կարող ենք վերսկսել նոր համագործակցություն»,- Reuters-ին տված հարցազրոևյցում ասել է Եվրոպական հարևանության և ընդլայնման հարցերով բանակցությունների հանձնակատար Յոհաննես Հանը: Մյուս տարեսկզբին զեկույց կպարտաստվի,որտեղ կներկայացվի այն ԵՄ անդամ երկրների կառավարություններին` հստակեցնելու Թուրքիայի կարգավիճակը,ասել է նա և ընդգծել է, որ մամուլի ազատության սահմանափակումները, զանգվածային ձերբակալությունները և մարդու իրավունքների ոտնահարումները գրեթե անհնարին են դարձրել ներկայում Թուրքիայի համապատասխանեցումը ԵՄ չափորոշիչներին: Հանը ասել է, որ ԵՄ օրենքները «չեն քննարկվում» և միությունը քննարկումներից չի առանձնացնի մարդու իրավունքների հետ կապված իրադրությունը: «Չկա թուրքական տեսակի ժողովրդավարություն: Կա միայն ժողովրդավարություն: Թուրք ժողովուրդը ունի ազատության մեջ ապրելու նույնիրավունքները, ինչ եվրոպացիները»,-ասել է Հանը:
Հետևեք մեզ Viber-ում
