Թուրքիայի սահմանադրական փոփոխությունները ԵՄ-ի հետ բանակցությունների դադարեցման պատճառ կարող է դառնալ. ԵԽ
Եվրախորհրդարանի` Թուրքիայի հարցով զեկուցող Քեթի Փիրին ապրիլի 16-ի սահմանադրական հանրաքվեի արդյունքները տխրեցնող է համարել երկրի ժողովրդավարների համար, հաղորդում է «Ջումհուրիյեթ» պարբերականը: «Անարդար ընտրական մթնոլորտում Թուրքիայի բնակչությունը փոքր տարբերությամբ աջակցություն ցուցաբերեց Էրդողանին անվերահսկելի լիազորություններ տվող, ավտորիտար համակարգին հարիր սահմանադրական փաթեթին: Սա Թուրքիայի բոլոր ժողովրդավարների համար ցավալի օր է»,- հայտարարել է Փիրին: Ինչպես ասել է՝ երկրի ուժերի տարանջատումը չհարգող, վերահսկման որևէ մեխանիզմ չունեցող սահմանադրությամբ երկիրը չի կարողանա միանալ Եվրամիությանը: Եթե փաթեթն առանց փոփոխության կիրառվի, ապա դա Եվրամիության հետ բանակցություններն առկախելու պատճառ կդառնա «Ես շարունակելու եմ լինել Թուրքիայում հանուն ժողովրդավարության և հիմնարար իրավունքների պայքարող ցանկացած անձի կողքին»,-նշել է նա:
Հետևեք մեզ Viber-ում
