Մոտ 15 սիրիական ինքնաթիռներ են ոչնչացվել ԱՄՆ-ի հրթիռահարվածով
ԱՄՆ ռազմական ուժերն այս գիշեր ավելի քան 50 հրթիռ են արձակել Սիրիայի ռազմաբազայի վրա: Հրթիռակոծումն ըստ ԱՄՆ-ի՝ պատասխան է Սիրիայում կառավարական ուժերի կողմից կիրառված քիմիական զենքի: Մոտ15 մարտական ինքնաթիռներ են ոչնչացվել կամ վնասվել «Շայրաթ» սիրիական ավիաբազային ԱՄՆ-ի հասցրած հրթիռային հարվածի հետեւանքով: Այդ մասին ապրիլի 7-ին հայտնել է «Ալ Մասդար» արաբական հրատարակությունը: Ըստ հետախուզության հրթիռներն ուղղվել են հենց այն աերոդրոմի վրա, որտեղից էլ քիմիական հարձակումն սկսվել է: ԱՄՆ նախագահ Դոնալդ Թրամփը հաստատել է, որ հրթիռակոծման հրաման է արձակել: Ռմբակոծության արդյունքում մահացել է 5 մարդ, 7-ը վիրավոր են, հայտնել է Հոմսի նահանգապետ: Ինչպես նշվում է ամերիկացի մեկ այլ պաշտոնյա, Միջերկրական ծովից նավերի գրոհին են ենթարկվել ավիաբազայի տարածքի մի քանի օբյեկտներ՝ թռիչքավայրէջքային գոտիները, ինքնաթռներն ու ուղղաթիռները, ինչպես նաեւ լցակայանները, հաղորդել է «Ինտերֆաքս»-ը:
Հետևեք մեզ Viber-ում
