Ռուսաստանը Դոնեցկի և Լուգանսկի անձնագրերը հավասարեցրել Է ուկրաինական փաստաթղթերին

Դոնեցկի եւ Լուգանսկի ինքնահռչակ ժողովրդական հանրապետությունների անձնագրերի տերերի համար Ռուսաստանում գործում են միգրացիոն նույն կանոնները, ինչ և Ուկրաինայի քաղաքացիների համար: Այդ մասին մարտի 20­-ին հայտնել է «Նոր իզվեստիա»-­ն:Այս տեղեկատվությունը ռուսական ԶԼՄ-ներից մեկին հաստատել են Պետդումայի աղբյուրներ, ՆԳ նախարարության միգրացիոն վարչության աշխատողը, նախագահին առընթեր մարդու իրավունքների խորհրդի անդամը և  ԼԺՀ-ի ներկայացուցիչը. «Մենք զարմանքով իմացանք, որ ԴԺՀ-իև  ԼԺՀ-ի բնակիչները պետք Է մեկնեն յուրաքանչյուր 90 օրից հետո: Մարդիկ այդ մասին չգիտեին»: Մարդու իրավունքների խորհրդում միգրացիոն քաղաքականության հանձնաժողովի ղեկավար Եվգենի Բոբրովը նույնպես հավաստել է, որ Դոնբասի ինքնահռչակ հանրապետությունների բնակիչները Ռուսաստանում նույն կարգավիճակն ունեն, ինչ եւ ՈՒկրաինայի քաղաքացիները: Դրա հետ մեկտեղ աշխարհազորի ներկայացուցիչ Ալեքսանդր Ժուչկովսկին նշել Է, որ ԴԺՀ-ի և  ԼԺՀ-ի անձնագրերի տերերը ՌԴ մուտք գործելիս միգրացիոն քարտեր չեն լրացնում: Մարտի 17-ին ԵԱՀԿ-ին առընթեր Ռուսաստանի մշտական ներկայացուցիչ Ալեքսանդր Լուկաշևիչը պարզաբանել Է, որ Մոսկվան կարող Է չեղարկել ԴԺՀ-ի և  ԼԺՀ-ի փաստաթղթերի ճանաչման որոշումը, եթե Կիեևը կատարի Մինսկի համաձայնությունները: