Ասադը Թրամփի վարչակազմի ձեռնարկած կոնկրետ քայլեր չի տեսնում

Չինական «Ֆենիքս» հեռուստաընկերությանը տված հարցազրույցում  Սիրիայի նախագահ Բաշար ալ Ասադը հանդես է եկել հայտարարությամբ և ասել ,որ ԱՄՆ նոր կառավարությունն ահաբեկչության դեմ պայքարում դեռևս լուրջ քայլեր չի ձեռնարկել՝ սահմանափակվելով միայն հռետորաբանությամբ և տեղային գործողություններով: «Նախընտրական քարոզարշավի ընթացքում Թրամփը հիմնականում կենտրոնացած էր ահաբեկչության ոչնչացման հռետորաբանության վրա, սակայն դեռևս մենք այդ ուղղությամբ որևէ կոնկրետ քայլ չենք տեսել:Միայն օդային հարվածներով հնարավոր չէ Սիրիայում ահաբեկչության դեմ պայքարում հաջողության հասնել:Անհրաժեշտ է նաև ցամաքային զորքերի հետ համագործակցությունը: Հենց այդ պատճառով էլ Ռուսաստանը կարողանում է հաջողություններ արձանագրել Իսլամական պետության դեմ պայքարում»,­- ամփոփել է Սիրիայի նախագահը: