Մոսկվան Սիրիայի հարցում ԱՄՆ-ի հետ հույսեր է կապում
Ռուսաստանը ճիշտ է համարում ՄԱԿ-ի եւ ԱՄՆ-ի նոր վարչակազմի ներկայացուցիչներին հրավիրել հունվարի 23-ին Աստանայում Սիրիայի շուրջ կայանալիք բանակցություններին եւ հույս ունի, որ Վաշինգտոնը կընդունի հրավերը:Այդ մասին հայտարարել է ՌԴ արտաքին գործերի նախարար Սերգեյ Լավրովը՝ ելույթ ունենալով 2016 թվականի արդյունքների ամփոփմանը նվիրված մամուլի ասուլիսում: Ինչպես ասել է՝ Մոսկվան հույս ունի, որ ԱՄՆ նորընտիր նախագահ Դոնալդ Թրամփի երդման արարողությունից հետո Ռուսաստանը և ԱՄՆ-ն ավելի էֆեկտիվ կհամագործակցեն սիրիական հակամարտության կարգավորման հարցում: Հայտնում է Газета.ру-ն: «Ակնկալում ենք, որ ԱՄՆ-ի նոր վարչակազմը կկարողանա ընդունել այդ հրավերը, որ նա իր փորձագետներով ներկայացված կլինի հնարավոր ցանկացած մակարդակով: Դոնալդ Թրամփն արտաքին քաղաքականությունում առաջնահերթություն է անվանել ահաբեկչության դեմ պայքարը, և ես հույս ունեմ, որ սիրիական ճգնաժամի կարգավորման, ինչպես նաև այլ խնդիրների հարցում փոխգործակցությունն ավելի արդյունավետ կլինի, քան Օբամայի վարչակազմի ժամանակ»,- ասել է Լավրովը:
Հետևեք մեզ Viber-ում
