«Մատի փաթաթան սարքել պետք չի». Արթուր Ալեքսանյան

Արցախյան պատերազմի վետերան Արթուր Ալեքսանյանն այսօր Հայելի ակումբում ասաց, որ «Ամարաս» հասարակական կազմակերպությունը հանդես է գալիս կոչով՝ ՀՀ ԱԺ-ում ստեղծել սփյուռքահայ պատգամավորների պալատ և այս հարցով իրենք դիմել են Սերժ Սարգսյանին: «Նա ասաց՝ ձեր գործն է, լավ եք արել, որ նախաձեռնել եք: Լավ կլինի՝ կողջունեմ, լավ չի լինի՝ ձեր պրոբլեմն է: Այսպես կարող եմ ներկայացնել նախագահի պատասխանը»,-ասաց նա՝ հավելելով, որ սփյուռքահայությունը ողջունել է իրենց առաջարկը: Մյուս բանախոս գերագույն խորհրդի պատգամավոր Ազատ Արշակյանն էլ առաջարկեց Սահմանադրության մեջ փոփոխություններ մտցնել: Նրանք նշեցին, որ իրենց հիմնական նպատակը երկրի հզորացումն ու անվտանգության ապահովումն է: Նրանք որոշել են իրենց միավորումը «Միցյալ հայեր» անվանել, իրենց միացել է նաև Հրանտ Թոխատյանը: «Միցյալ հայեր»-ի անդամները շեշտեցին, որ սփյուռքը պատրաստ է աջակցել և ֆինանսներ տրամադրել: Ալեքսանյանի խոսքով՝ այսօր Սփյուռքն ավելի շատ խնդիրներ ունի, քան Հայաստանը. «Ինչքան այնտեղ խնդիր լինի, արտացոլվելու է այստեղ՝ Հայաստանում: ժամանակն է, որ սկսենք Սփյուռքի մասին մտածել: Հայապահպանության վտանգ կա Սփյուռքում»: Վերջիններս հայտարարեցին նաև, որ շարունակելու են աջակցել նախկին Պնախարար Սեյրան Օհանյանին և նրանց համար կարևոր չէ, թե ինձ ձևաչափով է Օհանյանը մասնակցելու ընտրություններին:  «Ես էլ եմ համակարգում աշխատել, հիմա ինչ բացթողում ունենք հիմա ինչ եղել եղել է, մատի փաթաթան սարքել պետք չի: Այո, ցավոտ է, բայց առանց Մարտի 1-ի, Հոկտեմբերի 27-ի չենք կարող առաջ գնալ, ինչ եղել է մեզ համար, փորձ է, հիմա փորձառու մարդկանց հետ պետք է առաջ գնանք, որ առաջ տանենք մեր երկիրը: Մենքենա վարելու համար նախ մենքենա է պետք, մենք պատրաստի մեքենա չունենք, որ երկիրն առաջ տանենք, մենք մեքենան պիտի ստեղծենք»,- ասաց Արթուր Ալեքսանյանը: Պարոն Արշակյանն էլ նշեց, թե տարօրինակ բան չկա նրանում, որ Օհանյանը պաշտոնից դուրս գալուց հետո սկսել է խոսել երկրի թերություններից. «Քանի դեռ նա զինվորական է, նա ենթարկվում է համակարգին: Բայց, կարծում եմ՝ նրա դուրս գալը հենց դա է նշանակում, որ նա համաձայն չէր մարտի 1-ի հետ, հոկտեմբերի 27-ի հետ: Նա ազնվորեն ասել է՝ դուրս եմ գալիս, որովհետև համաձայն  չեմ ձեզ հետ»: Սոնա Դավթյան