Զանգ տամ ջղայն տոնով ասեմ՝ շաքարի գնին ձեռք չտաք.վարչապետը՝օլիգարխների մասին
ՀՀ վարչապետ Կարեն Կարապետյանը լրագրողների հետ այսօրվա հնադիպմանը տեղեկացրեց,որ ճարահատյալ որևէ մեկի հետ չի աշխատում և նախորդ կառավարության անդամների գործող պաշտոնյաների թվում չկան այնպիսիք, որոնցից ցանկանում է ազատվել: Հրավիրված ասուլիսում պատասխանելով հարցին՝ նախորդ կառավարությունից կա՞ն պաշտոնյաներ, որոնցից ցանկանում է ազատվել, բայց չի հաջողվում , ասաց. «Չկան: Հասկանո՞ւմ եք, ստիպված լինելու խնդիր չկա: Շատ դժվար է պատկերացնել, որ մեկը մյուսին ստիպում է: Կան կոմպրոմիսային լուծումներ: Եվ միանշանակ չէ, որ կոմպրոմիսային լուծումը միանշանակ վատագույն լուծումն է: Այդպես չէ: Բայց որ ես ճարահատյալ եմ այս պահին ինչ-որ մեկի հետ աշխատում, նման դեպք չկա»: Հարցին, թե արդյոք վարչապետը կարողանո՞ւմ է զսպել օլիգարխներին գնային քաղաքականության հարցում. «Դա համարում եք, որ ի՞մ գործառույթն է՝ զանգ տամ ջղայն տոնով ասեմ՝ շաքարի գնին ձեռք չտաք: Օլիգարխների հետ ես ինձ շատ հանգիստ եմ զգում: Կարագի, ալյուրի գները թանկացել են, սակայն ոչ ահագին: Գնողունակությունը ձեր եղել է նորմալ, ոչ վատ, քան անցած տարի: Ձեր գնողունակությունը անգամ հարյուր դրամով չի ընկել: Իսկ առեւտուրը կրճատվել է ընդհանուր տնտեսական վիճակից: Շաքարի գինը բարձրացե՞լ է, թե ոչ, չգիտեմ, մնացած ապրանքների գները, որ իջել են, ինչո՞ւ չեք ասում»,-նշեց Կ. Կարապետյանը:
Հետևեք մեզ Viber-ում
