Աշխատանքից ազատվել է 3 000 մարդ
Այսօր հրավիրված ասուլիսի ժամանակ ամփոփելով նոր կառավարության 100 օրվա գործունեությունը ՀՀ վարչապետը հայտնեց, որ կոռուպցիայի դեմ պայքարի, քաղաքացիներին մատուցվող ծառայությունների, գործարար միջավայրի բարելավման, ներդրումների ներգրավման, պետական կառավարման համակարգի արդիականացման, զբոսաշրջության, ենթակառուցվածքների և այլ ոլորտներում իրականացվել են մի շարք կոնկրետ քայլեր, ընդունվել են օրենսդրական նախագծեր, մշակվել է զարգացման տեսլականը: «Կրճատումների մեջ կա հստակ մի տրամաբանություն, այն պետք է հեշտացնի որոշումներ կայացնելու գործընթացը: Պետական կառավարման համակարգում բազմաթիվ խնդիրներ կան, և քայլ առ քայլ պետք է հասնենք նրան, որ պետական ծառայողի վարձատրությունը կախված լինի նրա աշխատանքի արդյունավետությունից»,- ասաց վարչապետը: Ինչպես տեղեկացրեց՝ կառավարության օպտիմալացման քայլերի արդյունքում տնտեսվել է 5 միլիարդ դրամից ավելի գումար, պետական համակարգում կրճատվել է երեք հազար մարդ: Սոնա Դավթյան
Հետևեք մեզ Viber-ում
