Միքայել Արամյանցի առանձնատունը`գերակա հանրային շահ
ՀՀ կառավարությունն այսօր որոշում կայացրեց Հայաստանի Հանրապետության Լոռու մարզի Ախթալա համայնքում գտնվող սեփականության իրավունքով օտարված գույքի՝ «Մ. Արամյանցի տուն (ամառանոց)» պատմության և մշակույթի անշարժ հուշարձանն ու դրա տարածքը (27,1 հա) ճանաչել բացառիկ՝ գերակա հանրային շահ: «Որոշման ընդունումը պայմանավորված է նորահայտ հուշարձանի և դրա զբաղեցրած տարածքի ոչ նպատակային օգտագործումը կանխելու, պատմականորեն ձևավորված նախնական կերպարին համապատասխան վերականգնման և նորոգման, գիտական, կրթական, մշակութային և ճանաչողական, զբոսաշրջային կամ նախնական գործառնական նպատակ-ներով օգտագործման և հարակից տարածքների կառուցապատումը կանոնակարգելու անհրաժեշտությամբ:Նախարարության մասնագետների կատարած ուսումնասիրությամբ պարզվել է, որ կառույցի սեփականաշնորհումից հետո այն մատնվել է անուշադրության, չեն իրականացվել պահպանական միջոցառումներ՝ մասնավորապես, վերականգնողական աշխատանքներ, միջավայրը մնացել է անխնամ, ինչի պատճառով մեծ բարերար Մ. Արամյանցի կողմից կառուցված շենքերը գտնվում են փլուզման եզրին», - նախագիծը ներկայացնելիս ասաց ՀՀ մշակույթի նախարար Արմեն Ամիրյանը:
Հետևեք մեզ Viber-ում
