Կարելի չէ անտեսել Տէր Պետրոսեանի սուր հեգնանքն ու քննադատությունները. «Ասպարեզ»

Անցեալ Շաբաթ օր, Հայաստանի առաջին նախագահ Լեւոն Տէր Պետրոսեան, Հայ Ազգային Կոնգրես կուսակցութեան համագումարին ընթացքին ներկայացուց իր ղեկավարած քաղաքական ուժին տեսակէտները՝ յատկապէս կեդրոնանալով Արցախի հարցին վրայ: Տէր Պետրոսեան, պահելով իր սկզբունքային դիրքը, կրկնեց իր համոզումը՝ Արցախի հարցով փոխզիջումի պարտադրանքին հետ հաշուի նստելու եւ յանուն Հայաստանի ապագային, յանուն երկրի տնտեսական սուր խնդիրներու լուծման՝ հրաժարելու «ոչ մէկ թիզեան» կամ «պանքօթոմանական» մտայնութենէն: Տէր Պետրոսեանի ելոյթը կարելի էր անտեսել եւ վստահիլ մեր ժողովուրդի առողջ բանականութեան վրայ, որ պիտի մերժէ յառաջիկայ ընտրութիւններուն Հայ Ազգային Կոնգրեսին զօրակցիլ, պիտի մերժէ անոր պարտուողական կեցուածքը: Այսուհանդերձ, կարելի չէ անտեսել Տէր Պետրոսեանի սուր հեգնանքն ու քննադատութիւնները, որոնք կը հարուածեն հայրենասիրական ճակատի քաղաքական գիծի հետեւորդներուն անկեղծութիւնը՝ Արցախի հարցին համար հայկական ազգային շահերու դիտանկիւնէն լուծում մը ապահովելու վճռականութիւնը խնդրոյ առարկայ դարձնելով: Նյութի մանրամասները կարդացեք «Ասպարեզ»–ի  կայքում