Խոշոր ավտովթար Արթիկ-Հոռոմ ավտոճանապարհին․ բախվել են Mercedes-ն ու Mitsubishi Pajero-ն․ կա վիրավոր
Այսօր՝ դեկտեմբերի 18-ին, խոշոր ավտովթար է տեղի ունեցել Շիրակի մարզում։ Ժամը 16։10-ի սահմաններում Արթիկ քաղաքից դեպի Հոռոմ գյուղ տանող ավտոճանապարհի 6-րդ կմ հատվածում բախվել են․ Արթիկ քաղաքի բնակիչ 65-ամյա Սեդրակ Գասպարյանի վարած Mercedes մակնիշի 34 SG 555 համարանիշի և Շիրակի մարզի Հայրենյաց գյուղի բնակիչ, 32-ամյա Հաբեթ Հարությունյանի վարած Mitsubishi Pajero մակնիշի 34 CT 681 համարանիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, վթարի հետևանքով Mercedes-ի ուղևորուհին տեղափոխվել է Արթիկի բժշկական կենտրոն։ Դեպքի վայր են ժամանել Ճանապարհային ոստիկանության 2-րդ սպայական գումարտակի 2-րդ վաշտի 2-րդ դասակի աշխատակիցները տեսուչ Մացակ Գևորգյանի գլխավրությամբ։ Վթարի մասին ՃՈ օպերատիվ կառավարման կենտրոնի պատասխանատու հերթապահ Արսեն Հարությունյանը տեղեկությունը փոխանցել է ոստիկանության Արթիկի բաժին, որտեղից ժամանել է օպերատիվ խումբը հետքննչական բաժանմունքի հետաքննիչ Վոլոդյա Լոռեցյանի գլխավրությամբ, ում կողմից փաստի առթիվ նյութեր են նախապատրաստվում։ Ոստիկանությունը պարզում է վիրավորի ինքնությունը։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: