Եվ ոչ մեկը Վարդան Պետրոսյանի չհիշեց
Դեկտեմբերի 11-ի երեկոյան Ստեփանակերտում տեղի ունեցավ Արցախ այցելած ՀՀ նախագահ Սերժ Սարգսյանի և Հայաստանի մշակույթի գործիչների հանդիպումը: Մտավորականները մի շարք հարցեր ուղղեցին Սերժ Սարգսյանին:
Նախագահին հարց հղեց անվանի կոմպոզիտոր Տիգրան Մանսուրյանը:
Մաեստրոյին հետաքրքրում էր կոմպոզիտորների միության` Դիլիջանում գտնվող տան ճակատագիրը, քանի որ այն ամբողջությամբ իր կարողությունները չի սպառում:
Սերժ Սարգսյանը ի պատասխան նշեց, որ իրենք մի քանի տարի առաջ էլ, հիմա էլ պատրաստ են զբաղվել խնդրով: Սերգեյ Փարաջանովի թանգարանի տնօրենը հարց ուղղեց, թե մեծահարուստներին պետք է հուշել, որ եկեղեցի կառուցելու փոխարեն թանգարանի շինարարություն ֆինանսավորեն:Երևանի տիկնիկային թատրոնի ղեկավար Ռուբեն Բաբայանիը մեջբերեց , թե առանց դպրոցներում մշակութային կրթության քաղաքակիրթ հասարակություն չենք ունենա: Նախագահը հակադարձեց․ - «Իմ հայրը դարբին ա եղել, մայրս՝ ջուլհակուհի: Մեր տանը դաշնամուր չի եղել, ես մանկուց դասական երաժշտություն չեմ լսել, բայց Տիգրան Մանսուրյանի երաժշտության համար հիմա խենթանում եմ: Էդ էլ Ձեր պատասխանը»:
Ռեժիսոր Մհեր Մկրտչյանին էլ հետաքրքրում էր սերիալների հարցը:
Ուշագրավն այն էր,որ հավաքված մի քանի տասնյակ մտավորականներից և ոչ մեկին չհետաքրքրեց և ոչ մեկն էլ նախագահին հարց չուղեց դերասան Վարդան Պետրոսյանի մասին:
Հիշեցնենք,որ Կոտայքի մարզի ընդհանուր իրավասության դատարանի վճռով դերասան Վարդան Պետրոսյանը դատապարտվել է 5 տարվա ազատազրկման: Մեղադրող կողմը, հիշեցնենք, պահանջել էր նրան դատապարտել 6.5 տարվա ազատազրկման:Դատարանը Պետրոսյանին մեղավոր է ճանաչել ճանապարհային երթևեկության կամ տրանսպորտային միջոցների շահագործման կանոնները խախտելու համար, որն անզգուշությամբ առաջացրել է երկու կամ ավելի մարդու մահ:
2013 թվականի հոկտեմբերի 20-ին, հիշեցնենք, Կոտայքի մարզում Պետրոսյանի մասնակցությամբ տեղի ունեցած ավտովթարի հետևանքով երկու երիտասարդներ՝ հորեղբորորդիներ Էդգար և Էդուարդ Հակոբյանները մահացել էին: Ինքը դերասանը տեղափոխվել էր հիվանդանոց:
Հետևեք մեզ Viber-ում
