Երևանում ճանապարհի մերկասառույցի պատճառով բախվել են Lexus-ը, Nissan-ը և Վազ 21093-ը. կան վիրավորներ. տեսանյութ

Երեկ՝ դեկտեմբերի 14-ին, շղթայական ավտովթար է տեղի ունեցել Երևանում։ Ժամը 17։20-ի սահմաններում Աճառյան փողոցի թիվ 31 հասցեի դիմաց բախվել են Արարատի մարզի Նոր Կյուրին գյուղի բնակիչ, 56-ամյա Վազգեն Խաչատրյանի վարած Lexus մակնիշի 99 PL 996 համարանիշի, Երևան քաղաքի Գյուլիքեխվյան փողոցի բնակիչ, 66-ամյա Վասիլի Ակսենավի վարած Nissan մակնիշի 34 NN 275 համարանիշի և Կոտայքի մարզի Նոր Գյուղի բնակիչ, 31-ամյա Արթուր Մկրտչյանի վարած Վազ 21093 մակնիշի 50 MG 101 համարանիշի ավտոմեքենաները։ Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդներ Վ. Ակսենավը, Ա. Մկրտչյանը և վերջինիս ուղևոր՝ Աբովյան քաղաքի բնակիչ, 28-ամյա Վազգեն Մամուլյանը մարմնական վնասվածքներով տեղափոխվել են «Սուրբ Գրիգոր Լուսավորիչ» բժշկական կենտրոն։ Դեպքի վայր են ժամանել փրկարարներ, ճանապարհային ոստիկաններ։ Վթարի մասին ՃՈ օպերատիվ կառավարման կենտրոնի պատասխանատու հերթապահ Կարեն Հովակիմյանը տեղեկությունը փոխանցել է ՃՈ Ճանապարհատրանսպորտային պատահարների գործերով հետաքննության և վարչական վարույթի իրականացման բաժին, որտեղից ժամանել է հետաքննիչ Ավետիսյանը, ում կողմից փաստի առթիվ նյութեր են նախապատրաստվում։ Ֆոտոլրագրողը հայտնում է, որ վթարի պատճառը եղել է ճանապարհի մերկասառույցը։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Տեսանյութ