Դավիթ Հարությունյան. Ցավում եմ, որ լրատվամիջոցներն ամեն ինչ անում են, որ ասեն, թե ոչինչ չի արվել

Կառավարության երեք ղեկավարների հետ աշխատած, կոռուպցիայի դեմ պայքարում մշտապես «ներկա» կառավարության աշխատակազմի ղեկավար-նախարար Դավիթ Հարությունյանին մի քանի հարց ուղղեցինք հանձնաժողովների առնչությամբ։ – Կառավարությունում վաղուց ստեղծված է կոռուպցիայի դեմ պայքարի հանձնաժողով, սակայն հանրությունը տեղյակ չէ, թե այս տարիներին այդ հանձնաժողովն ինչ արդյունքի է հասել։ – Ինչո՞ւ տեղյակ չեն։ Այսօր լսում էիք (նկատի ունի շաբաթ օրը «Կառավարություն-ՔՀԿ համագործակցություն» հակակոռուպցիոն համաժողովը –Ռ. Խ.).), որ ինչ-որ քայլեր կատարված են, օրենսդրական նախաձեռնություններ են եղել, էլեկտրոնային հարթակներ, քննարկումներ, «մեկ պատուհանի» կիրառումը։ Ձեզ թվում է այս ամենը ստեղծվում է օդի՞ց։ – Եթե այդպես «ջանադրաբար» կառավարություններն աշխատել են, ինչո՞ւ հանրությունը չի տեսնում կոռուպցիայի դեմ պայքարի պտուղները։ – Ես կասեի՝ հակառակը, մեր լրատվամիջոցները գործում են ոչ արհեստավարժ։ Ստեղծվեց «մեկ պատուհանի» գաղափարը, քաղաքացու համար հեշտացել է պետական ծառայություններից օգտվելը։ Տեսնո՞ւմ է սա հանրությունը, թե՞ ոչ։ Մենք ամեն ինչ անում ենք, որ դա հանրությունը տեսնի։ Ցավում եմ, որ լրատվամիջոցներն էլ ամեն ինչ անում են, որ ասեն, թե ոչինչ չի արվել։ – Լրատվամիջոցներն ընդամենը ներկայացնում են, թե ինչ է կատարվում իշխանությունում, թե ինչպես են որոշ պաշտոնյաներ կոռումպացված, սակայն նրանց ձեռքը բռնող չկա։ Սա է պայքարի «լավագույն» ցուցիչը։ Ու այս ամենը հանրությունը շատ լավ տեսնում է, պետք չէ նրան ուղղորդել։ – Հիասթափված եմ բազում լրատվամիջոցներից, նրանց խնդիրն ընդամենը մեկն է՝ ինչպես անել, որ իրենց հոդվածները շատ ընթերցվեն։ Հետևաբար, հնարավորինս շատ սկանդալային հայտարարություններ են անում, որոնք իրականության հետ ոչ մի աղերս չունեն։ Ռ Հոդվածն ամբողջությամբ կարող եք կարդալ «Իրատես» թերթի այսօրվա համարում