Ռուսաստանն ու Միացյալ Նահանգները պետք է համագործակցեն.Գորբաչով
Associated Press-ին տված հարցազրույցում ԽՍՀՄ նախկին նախագահ Միխայիլ Գորբաչովը կարծիք է հայտնել,թե Ռուսաստանն ու Միացյալ Նահանգները պետք է համագործակցեն։ «Անհրաժեշտ է, որ մեր առաջնորդները հանդիպեն ու քննարկեն, թե ինչպես պետք է զարգացնենք մեր հարաբերությունները:Երկու երկրների հարաբերությունները շատ կարևոր են ու միաժամանակ վերաբերում են «բոլոր մյուս երկրներին»:Աշխարհին պետք է, որ Ռուսաստանն ու ԱՄՆ-ն համագործակցեն։ Նրանք միասին կարող են աշխարհը տանել նոր ճանապարհով»,- ասել է նա։ Գորբաչովը քննադատել է արևմտյան երկրներին Ռուսաստանի հանդեպ նրանց վերաբերմունքի համար։ «Նրանք մեզ են մեղադրում ամեն ինչի համար»,- շեշտել է նա՝ հավելելով, որ դա առաջացրել է Ռուսաստանի համապատասխան արձագանքը։
