«Վերջին հաշվով հենց Ծառուկյանն է եղել որոշում կայացնողը». ՀՀԿ-ական

ԱԺ ՀՀԿ պատգամավոր Մկրտիչ Մինասյանը Հայելի ակումբում լրագրողների հետ հանդիպմանը անդրադառնալով լրագրող Վահե Մակարյանի և պատգամավոր Ռուբիկ Հակոբյանի միջև տեղի ունեցած միջադեպին, ասաց, որ շատ վատ է վերաբերվում նման դեպքերին:«Անընդունելի եմ համարում և շատ բացասաբար վերաբերվում, պատգամավորն իրեն նման բան պետք է թույլ չտար, որքան էլ, որ հույզերը տեղի տաին»,- ասաց նա: Լրագրողներից մեկի հարցին, թե ինչես է վերաբերվում Գագիկ Ծառուկայնի քաղաքականություն վերադառնալուն, ի պատասխան նշեց, որ դա նրա որոշելիքն է: «Նախորդ ընտրությունների ժամանակ տեսանք, որ Բարգավաճ Հայաստան կուսակցությունը բավականին ձայներ հավաքեց, դառնալով քաղաքական դաշտում երկրորդը: Գագիկ Ծառուկյանի թիմը ապացուցեց, որ կարող է ուժեղ մրցակից լինել»,- համոզմունք հայտնեց ՀՀԿ-ականը: Լրագրողների պնդմանը, թե փետրվարին իշխանությունը հեռացրեց Գագիկ Ծառուկյանին քաղաքականությունից, և հետևաբար այժմ էլ վերադարձնում է, Մկրտիչ Մինասյանը չհամաձայնեց. «Վերջին հաշվով հենց Ծառուկյանն է եղել որոշում կայացնողը, հեռացել է, այժմ էլ ցանկանում է վերադառնալ, դա արդեն իր խնդիրն է»: Սոնա Դավթյան