Մեր գլխավոր խնդիրը փախստականներին օգնություն տրամադրելն է.Դոնալդ Տուսկ

ՄԱԿ-ի պաշտոնական կայքը տեղեկացնում է,որ ՄԱԿ-ի ԳԱ-ում Եվրոպական խորհրդի նախագահ Դոնալդ Տուսկը հայտարարել է,որ ե րբ աշխարհը ղեկավարում է վախը, երկրները միմյանցից երես են թեքում։ «Ժողովուրդները պետք է իրենց վերադարձնան անվտանգության զգացումը, որի կարիքը ունի ցանկացած մարդ։ Միջազգային հանրության գլխավոր խնդիրը այսօրվա դրությամբ փախստականներին օգնության տրամադրումն է։Վերջին ամիսներին Եվրոպայում փախստականների ճգնաժամը հասել է անհավանական մասշտաբների։ Այդուհանդերձ, Եվրամիության բոլոր փորձերի հետևում՝ լուծել այդ խնդիրը, ընկած է փախստականներին օգնելու ցանկությունը և պատրաստակամությունը՝ օգնել նրանց, որոնք դրա կարիքն ունեն»,- ասել է Տուսկը։ Նա ընդգծել է, որ Եվրամիությունն արդեն միլիարդավոր դոլարներ է հատկացրել փախստականներին մարդասիրական օգնություն տրամադրելու համար և մոտակա ամիսներին պատրաստ է այդ նպատակով ավելի շատ միջոցներ հատկացնել։