ԻՊ-ի պարագլուխը երկար ամիսներ ի վեր առաջին անգամ Մոսուլում հայտնվել է հանրության առջև

«Իսլամական պետություն» ահաբեկչական խմբավորման պարագլուխ Աբու Բաքր ալ Բաղդադին երկար ամիսներ ի վեր առաջին անգամ հանրության առջեւ է հայտնվել Իրաքի Մոսուլ քաղաքի շրջաններից մեկում: Այդ մասին, ինչպես տեղեկացնում է «Արմենպրես»-ը, հայտնել է «Աս-Սումարիա» հեռուստաալիքը: Նրա տեղեկատվության համաձայն՝ «քաղաքում տիրող լարված իրադրության պատճառով ալ Բաղդադին հարկադրված Է եղել դուրս գալ իր պատսպարանից եւ Մոսուլի փողոցներում հայտնվել թիկնապահներով շրջապատված»: Նշվում է, որ ԻՊ-ի պարագլուխը քաղաքում տեղաշարժվել է զրահամեքենաներով՝ երեք արտաճանապարհայինների ուղեկցությամբ, որոնցում տեղավորվել էին ալ Բաղդադիի անձնական պահազորի անդամները: ԻՊ-ի առաջին դեմքը հանրությանը երեւացել է էր Ռիսալյա թաղամասում: Մոսուլը, որի բնակչությունը գերազանցում է 500 հազարը, ԻՊ-ի զինյալները համարում են Իրաքում իրենց մայրաքաղաքը: Այն կառավարական զորքերի կողմից գործնականում առանց մարտի թողնվել է 2014 թվականի հունիսի 10-ին նրա վրա ԻՊ-ի կազմավորումների հարձակման ժամանակ: Ռազմական մասնագետների գնահատումներով՝ ներկայում քաղաքում կարող են կենտրոնացված լինել արմատական խմբավորումների մինչեւ 10 հազար զինյալներ: Առկա տեղեկատվության համաձայն, Մոսուլի նկատմամբ հսկողության վերականգնման նպատակով միջազգային կոալիցիայի ռազմաօդային ուժերի աջակցությամբ Իրաքի կառավարական ուժերի լայնածավալ ռազմարշավը պետք է սկսվի այս տարվա հոկտեմբերին, հաղորդել է ՏԱՍՍ-ը: