AirBaltic օդանավն արտակարգ վայրէջք է կատարել
Ռիգայի միջազգային օդանավակայանում տեխնիկական անսարքության պատճառով AirBaltic ավիաընկերությանը պատկանող օդանավը թռիչքից հետո հետ է վերադարձել: Այս մասին հայտնել է օդանավակայանի հասարակական հարաբերությունների հարցերի մասնագետ Գվիդո Ձերվեն՝ նշելով, որ թռիչքից հետո պարզվել է առջեւի շասսին անսարքություն ունի, եւ անձնակազմը որոշել է վերադառնալ Ռիգա: Օդանավում եղել է 63 ուղեւոր եւ անձնակազմի 4 անդամ: Ներկայումս նրանք գտնվում են օդանավակայանի տերմինալում: