Եղիշե Խաչատրյանի սպանության գործով մեղադրյալ Արարատ Նիկողոսյանը չի շտապում առաջադրված մեղադրանքի վերաբերյալ դիրքորոշում հայտնել

Նուբարաշենի խճուղում 58-ամյա Եղիշե Խաչատրյանի դաժան սպանության մեջ մեղադրվողներից Արարատ Նիկողոսյանն առաջադրված մեղադրանքի վերաբերյալ որևէ դիրքորոշում չի հայտնել: Այդ մասին «Փաստինֆո»-ի թղթակիցը տեղեկացավ Արարատ Նիկողոսյանի պաշտպան Լիպարիտ Սիմոնյանից: Պաշտպանը հավելեց նաև, որ Նիկողոսյանը ցուցմունք չի տվել: Նախաքննական մարմնի կողմից ճանաչման գործընթացի կազմակերպման վերաբերյալ էլ, որը տեղի է ունեցել սպանված Եղիշե Խաչատրյանի մոր և իր պաշտպանյալի մասնակցությամբ, ըստ փաստաբանի, կատարվել է օրենքի էական խախտմամբ: Լիպարիտ Սիմոնյանը գտնում է, որ այդ գործընթացը փաստացի տեղի չի ունեցել և դա չի կարելի համարել ճանաչման գործընթաց այն դեպքում, երբ անձի լուսանկարները տարածվում է համացանցում, նա որպես հանացագործ է ներկայացվում, այդ ամենից հետո ճանաչման գործընթացը դառնում է անիմաստ: Հայտնի լեզվաբանի ամուսնու դաժան սպանության մեջ մեղադրվողներից 2-ը նախկինում դատապարտված են եղել Ավելի վաղ տեղեկացրել էինք, որ հունիսի 04-ին՝ ժամը 23. 00-ի սահմաններում, ավտոմեքենան վարելու համար արված դիտողությունը 58-ամյա Եղիշե Խաչատրյանի համար կյանք է արժեցել։ Մի խումբ երիտասարդներ՝ վրդովվելով նկատողությունից հարձակվել են տղամարդու վրա ու հենց նրա տարեց մոր աչքի առաջ ծեծելով սպանել։ Գործով մեղադրանք է առաջադրվել Խաչիկ Կոսյանին, Արտաշես Չիչոյանին և Արարատ Նիկողոսյանին՝ ՀՀ քրեական օրենսգրքի 104-րդ հոդվածի 2-րդ մասի 7-րդ և 10-րդ կետերով: Նրանց բոլորի նկատմամբ որպես խափանման միջոց է ընտրված կալանավորումը:  

Փաստինֆո