Վարդաշեն-Մուշավան ճանապարհին բախվել են Nissan Pathfinder-ը ու Toyota Altezza-ն
Այսօր՝ հուլիսի 9-ին ավտովթար է տեղի ունեցել Երևանում։ Ժամը 19։30-ի սահմաններում Վարդաշենից դեպի Մուշավան (Շորբուլախ) ճանապարհահատվածում, «Գառ դոկտըր» ընկերության դիմաց բախվել են՝ Էջմիածին քաղաքի բնակիչ, 52-ամյա Մհեր Մելքոնյանի վարած Nissan Pathfinder մակնիշի 19 OL 841 համարանիշի և Երևան քաղաքի Էրեբունի փողոցի բնակիչ, 23-ամյա Ժիրայր Առաքելայնի Toyota Altezza մակնիշի 05 QQ 066 համարանիշի ավտոմեքենաները։ Ինչպես դեպքի վայրից հայտնում ֆոտոլրագրող Գագիկ Շամշյանը, վթարի հետևանքով բարեբախտաբար զոհեր և վիրավորներ չկան։ Դեպքի վայր են ժամանել ճանապարհային ոստիկանության 1-ին սպայական գումարտակի, 8-րդ դասակի աշխատակիցները և «ԻՆԳՈ ԱՐՄԵՆԻԱ» ապահովագրական ընկերության ներկայացուցիչները։ Բախման հետևանքով Toyota Altezza-ն գլխիվայր շրջվել է։ Վթարի մասին ՃՈ օպերատիվ կառավարման կենտրոնից տեղեկությունը փոխանցել են ՃՈ հետաքննության բաժին, որտեղից ժամանել է ավագ հետաքննիչ Դավիթ Ավագյանը, ում կողմից փաստի առթիվ նյութեր են նախապատրաստվում։