Պահանջում եմ, որ Բագրատյանն էլ ներողություն խնդրի
«Հրապարակ» օրաթերթի այսօրվա համարում կարդում ենք. «Բագրատյանի պատասխանը ցուցարարին՝ «շուլերը տատդ ա», հայհոյանքի պես է հնչում։ Գեներալ Սեյրանը կասեր՝ այ Հրանտ, դու էլ հո ինտելիգենտ, կարդացած տղա ես, ի՞նչ գործ ունես էն մարդու տատի հետ։ Ես լինեի կամ Մանվելը՝ ջոկ հարց։ Եվ արդեն ոչ մի նշանակություն չունի, որ ցուցարարը շշով հարվածել է Բագրատյանին։ Դա տեղի է ունեցել «վիրավորանք» հասցնելուց հետո։ Ինչո՞ւ եք վիրավորում ՀՀ քաղաքացուն, պարոնայք շուլերներ։ Ֆեյսբուքում մի նախկին շուլեր էլ գրառում է կատարել այս առնչությամբ, որի մեջ շշով հարվածելու պահն է կարևորել և քաղաքացուն մեղադրել, որ նա, իբր, ի դեմս Բագրատյանի, խեղճ տղա է տեսել և չէր համարձակվի շշով հարվածել, եթե Բագրատյանի փոխարեն իշխանական շուլեր լիներ կանգնած։ Այսինքն, եթե քաղաքացին շշով հարվածեր Շմայսին կամ Այվազյանին, կարելի էր, իսկ Բագրատյանին կամ Ստյոպա Սաֆարյանին՝ չէր կարելի։ Բագրատյանը պահանջում է, որ քաղաքացին գա և իրենից ներողություն խնդրի շշով հարվածելու և շուլեր ասելու համար։ Ես էլ եմ պահանջում, որ ցուցարարը ներողություն խնդրի միջադեպի համար։ Բայց պահանջում եմ, որ Բագրատյանն էլ ներողություն խնդրի և տղամարդավարի ասի, որ ինքը չկարողացավ տիրապետել իրեն ու հակադարձեց»: Մանարամասները՝ թերթի այսօրվա համարում:
Հետևեք մեզ Viber-ում
