Մեկին կարելի է, մյուսին՝ չէ. Թևան Պողոսյանը՝ Սերժ Սարգսյանի հարցազրույցի մասին
Պատգամավոր Թևան Պողոսյանը Ազգային ժողովում լրագրողների հետ զրույցի ժամանակ խոսելով ՀՀ նախագահ Սերժ Սարգսյանի՝ «Ռոյթերզին» տված հարցազրույցից, ասաց, որ հնարավոր չէ, որ ինչ որ մեկը հայտարարի, որ ինքը պարտվելու է: «Չեմ պատկերացնում՝ որևէ կուսակցության ղեկավարի հիմա գնան, հարց տան՝ «վաղը Ձեր կուսակցությունը հաղթելո՞ւ է», ասի՝ «չէ, ես պարտվելու եմ»,-նշեց նա: Ինչպես փաստեց՝ քաղաքականության մեջ մնալը չի նշանակում՝ պաշտոն ունենալ: Այնուհետև փաստեց. «Մենք ունենք խմբակցություններ, որոնց ղեկավարները չլինելով այստեղ՝ պառլամենտում, ազդեցություն ունեցել են. Լևոն Տեր-Պետրոսյանը ՀԱԿ-ի վրա ազդում է, Րաֆֆին ազդում է «Ժառանգության» վրա, ժամանակին, երբ Ծառուկյանը ղեկավարում էր ԲՀԿ-ն, երբևէ ԱԺ-ում չի հայտնվել, բայց իր ազդեցությունը երևում էր, Արթուր Բաղդասարյանը՝ ՕԵԿ-ի վրա: Հիմա ինչի՞ պետք է ասել՝ մեկին կարելի է, մյուսին՝ չէ»:
Հետևեք մեզ Viber-ում
