Բաբայանը պետք է շեղի ուշադրությունը Օսկանյանի կուսակցությունից

«Իրատես» թերթը գրում է. «Ասում են, թե իշխանությունները ՏԻՄ ընտրություններում, հատկապես ընդդիմադիր կեցվածքով հայտնի Գյումրու քաղաքապետի ընտրություններում, ինչպես նաև ներքաղաքական «գլոբալ» դաշտում, օգտագործում են լավ մոռացված հին մեթոդոլոգիան` բաժանիր, որ տիրես: Այն է` մասնատում են քաղաքական դաշտը, մտածելով՝ ինչքան շատ թեկնածուներ լինեն Գյումրիում, ինչքան ձայները շատ տարտղնվեն, այնքան լավ իշխանությունների համար: Այդ մկրատումներից է նաև Վահան Բաբայանի ռեֆորմիստական կուսակցությունը, որը պատրաստ պահվում է` հարկավոր պահին կետային հարվածներ հասցնելու համար։   Իսկ այսօր Վահան Բաբայանը պետք է շեղի ուշադրությունը Վարդան Օսկանյանի կուսակցությունից՝ «Համախմբումից» նույն ժամկետներում սպասվելիք իր համագումարով: Հասկանալի է, իհարկե, որ Բաբայանի կուսակցութունը պառլամենտ չի մտնի, սակայն գործադիրում մի բան Վահանի համար, հաստատապես, կգտնվի»: