Այո, չգիտեն՝ ով է Նժդեհը, եթե իմանային՝ այսպիսի խոսակցություն ընդհանրապես չէր լինի.Մերուժան Տեր-Գուլանյան
Հրապարակախոս Մերուժան Տեր-Գուլանյանը Հայելի ակումբում հրավիրած ասուլիսում հայտարարեց. «Մենք իրավունք ունենք ցանկացած հերոսի արձան դնելու: Նժդեհին տվեցին բոլոր հնարավորությունները, որպեսզի ինքը գծի Արևմտյան Հայաստանի քարտեզը. որտեղից և ինչպես էր պետք հարձակվել։ Նա միակ մարդն էր, ով Արևմտյան Հայաստանը հրաշալի գիտեր։ Խորհրդային Միության իշխանություններին Գարեգին Նժդեհի անձը շատ թանկ էր և անհրաժեշտ։ Մի մարդ, որը երբեք ԽՄ բանակի դեմ գնդակ չի արձակել»։ Նա հավասարակշռության կոչ արեց. «Ամեն ինչ պետք է հանգիստ տանել. մենք անկախ երկիր ենք։ Մենք մեր հերոսին մեծարում ենք հուշարձանով, փողոցով, հրապարակով։ Կարող է որևէ պետության, տվյալ դեպքում՝ Ռուսաստանին, ինչ-ինչ բաներ դուր չգան այն պատճառով, որ չգիտեն՝ ով է Գարեգին Նժդեհը։ Այո, չգիտեն՝ ով է Նժդեհը, եթե իմանային՝ այսպիսի խոսակցություն ընդհանրապես չէր լինի։ Ես հանգիստ եմ ընդունում, բնական եմ համարում ռուսական արձագանքը և չեմ նեղանում իրենցից միայն այն պատճառով, որ իրենք չգիտեն Նժդեհին»։
Հետևեք մեզ Viber-ում
