Ծեծկռտուքի փորձ ԱԺ-ում Բագրատյանի և Այվազյանի միջև.«Էս «Օզվերին» կերածներին հանգստացրեք»
Ազգային ժողովի ՀՀԿ խմբակցության պատգամավոր Վարդան Այվազյանի ու ՀԱԿ խմբակցության պատգամավոր Հրանտ Բագրատյանի միջև բուռն բանավեճը քիչ էր մնում վերածվեր ծեծկռտուքի: Բանավեճի պատճառը համայնքների խոշորացման մասին օրինագիծն էր: Հրանտ Բագրատյանը հայտարարեց.. «Գյուղ դատարկել չի կարելի: Նույնիսկ եթե գյուղում կա 10 մարդ, դպրոց պետք է լինի ու պիտի աշխատենք: Էրդողանը 23 մլրդ դոլար փող է տալիս գյուղերին՝ դոտացիայի տեսքով: Սահմանել է գյուղական ուսուցիչների աշխատավարձը իր աշխատավարձի չափ: Մարդիկ հասկանում են, որ դա ստրատեգիական կարեւոր կետ է: Չի կարելի 2 կոպեկի համար բռնել համայնք վերացնել: Անգամ եթե գյուղը համաձայն է, չի կարելի դա անել: Դա տարաբնակեցում է կոչվում՝ պատմականորեն ձեւավորված: Գնացեք կանգնեք կողքերին, դարձրեք ամուր բերդ, զենք տվեք ձեռքները»: Բագրատյանից հետ Վարդան Այվազյանն արձագանքեց. «Ցավոք սրտի կխոսեն ամեն ինչից, բացի բուն օրենքի բովանդակությունից»: Հրանտ Բագրատյանը պոռթկաց ու բղավեց նրա վրա: «Հանգիստ նստի տե՛ղդ, վունդերկինդ, հանգիստ»,- գոռաց Վարդան Այվազյանը : Միջամտեցին Գալուստ Սահակյանն ու այլ պատգամավորներ: Վարդան Այվազյանն ու Հրանտ Բագրատյանը որոշեցին շարունակել բանավեճը նիստերի դահլիճում, փորձելով մոտենալ միմյանց, ինչը կանխվեց նրանց գործընկերների կողմից:
Հետևեք մեզ Viber-ում
