Լավրով. Ղարաբաղյան հակամարտությունը կարող է կարգավորվել միայն խաղաղ ճանապարհով
Ոչ մի պետություն չի կարող հավակնել ժամանակակից միջազգային խնդիրները միայնակ լուծելուն: Այս մասին հայտնել է Ռուսաստանի Դաշնության ԱԳՆ Սերգեյ Լավրովը՝ ելույթ ունենալով Պետդումայում՝ «Կառավարական ժամ»-ի ընթացքում: Այս մասին հայտնում է «ТАСС» գործակալությունը:«ԱՊՀ տարածքում, ինչպես եւ ցանկացած այլ տարածաշրջանում հակամարտությունները կարող են կարգավորվել բացառապես խաղաղ ճանապարհով, քաղաքական – դիվանագիտական ու այլ ոչ ռազմական միջոցներով: Դա վերաբերում է եւ՛ ներուկրաինական ճգնաժամին, եւ՛ Մերձդնեստրի ու Լեռնային Ղարաբաղի խնդիրներին: Կարեւորը՝ պետք է հարգել կողմերի միջեւ ձեռբերված պայմանավորվածությունները, թույլ չտալ դրանց վերանայում: Վստահ ենք, որ բոլոր այդ ճգնաժամային իրավիճակները ավելի հեշտ կլիներ կարգավորել, եթե հաղթահարվեին համակարգային արատները համաեվրոպաական համագործակցության ոլորտում, վերացվեին պահպանվող բաժանարար գծերը»,- նշել է ՌԴ ԱԳՆ Սերգեյ Լավրովը
Հետևեք մեզ Viber-ում
