««Նմանը զնմանին գտանե», ամեն մարդ իր երամն ունի, ամեն մեկն իր ընկերն ունի, գիտեք…»
«Հրապարակ» թերթը գրում է. «ՀՀԿ-ն վաղը, ամենայն հավանականությամբ, կհայտարարի գործող քաղաքապետ Սամվել Բալասանյանին աջակցելու մասին։ Լուրեր կան, որ նախկին քաղաքապետ Վարդան Ղուկասյանը, որը հույսը չէր կորցնում, որ ինքն է լինելու ՀՀԿ թեկնածուն, մինչեւ հոգու խորքը վիրավորվել է հարազատ ՀՀԿ-ից, որը որոշել է պաշտպանել ճակատի գիրը մի քանի անգամ փոխած Սամվել Բալասանյանին: – Պարոն Ղուկասյան, երեւի, որ Բալասանյանն արժանացել է ՀՀԿ-ի աջակցությանը, դրա՞ համար եք վիրավորված Ձեր թիմից։ – Պահ-պահ-պահ, գիտեք, մի բան ասեմ. «Նմանը զնմանին գտանե», ամեն մարդ իր երամն ունի, ամեն մեկն իր ընկերն ունի, գիտեք, ես… ես ոչ մի բան չունեմ ասելու։ ՀՀԿ-ն էլ իր որոշումը դեռ վերջնական չի կայացրել։ – Եթե կայացնի, հնարավո՞ր է լքեք ՀՀԿ-ն։ – Ես ընդհանրապես քաղաքականությամբ չեմ զբաղվում։ – Կուսակցությունից դո՞ւրս եք եկել։ – Ես, ճիշտն ասած, ոչ գիտեմ՝ դուրս եմ եկել, ոչ գիտեմ՝ ներս եմ մտել։ Ամբողջությամբ կարող եք կարդալ ««Հրապարակ»» թերթի այսօրվա համարում:
Հետևեք մեզ Viber-ում
